Cichanoŭskaja pra adstaŭku Sachaščyka: z Valeryjem Ściapanavičam zastajemsia ŭ narmalnych adnosinach
Kiraŭnica Abjadnanaha pierachodnaha kabinieta prakamientavała adstaŭku «ministra abarony».
01.08.2024 / 16:37
Fota Ofisa Śviatłany Cichanoŭskaj
«Siońnia ja pryniała adstaŭku Valeryja Sachaščyka z pasady pradstaŭnika pa abaronie i nacyjanalnaj biaśpiecy Kabinieta.
Ja ŭdziačnaja Valeryju Ściapanaviču za praroblenuju ŭ ramkach kabinieta pracu, za dapamohu, jakuju jon arhanizoŭvaŭ dla biełaruskich dobraachvotnikaŭ i vieteranaŭ. Za pracu z zamiežnymi partniorami demakratyčnych sił, padčas jakich jon uzdymaŭ pytańni zachavańnia niezaležnaści Biełarusi.
Zhodnaja, što nie ŭsie płany ŭdałosia realizavać, ale toj šlach, jaki my ŭsie prachodzim, — my prachodzim upieršyniu. Z Valeryjem Ściapanavičam my zastajemsia na suviazi i ŭ narmalnych pracoŭnych adnosinach», — adznačyła Cichanoŭskaja.
Valeryj Sachaščyk raniej zajaviŭ pra vychad sa składu Kabinieta. Jon vykazaŭ mierkavańnie, što struktura «ruchajecca nie tudy», a mnohija kalehi stali ŭsprymać jaho jak voraha.
«Ministr abarony» Valeryj Sachaščyk zajaviŭ pra vychad z Abjadnanaha pierachodnaha kabinieta
Prakopjeva i Sachaščyka ciapier šukaje i MUS Rasii
Žyhar z «Biełpoła»: Sychodzim ad pryviazki da abjadnańnia siłavikoŭ. A Sachaščyk nam niecikavy