Łukašenka z Kryhieram sieŭ u łužynu. A sens vyzvaleńnia rasijskich palitviaźniaŭ voś u čym
Tak śmiešna, jak łukašenkaŭcy rabili vyhlad, što niešta rašajuć, Hładkuju pryciahnuli, advakata — tady jak Maskva z Vašynhtonom i Bierlinam užo daŭno ŭsio vyrašyła, i samaloty ŭžo zapraŭlenyja stajali, piša Siarhiej Hiezhała.
01.08.2024 / 23:11
Ryka Kryhiera viaduć na abmien. Fota Federal Security Service of Russia / Handout / Anadolu via Getty Images
A jakoje było kino, jak ihrali akciory: insceniravany vybuch u Aziaryščy, śmiarotny prysud.
Prastafila Ryka Kryhier u vyniku pa-chutkamu trapiŭ dadomu, pryčym lacieŭ u kampanii hodnych ludziej.
Možna tolki paradavacca za Kara-Murzu, Jašyna, Arłova, Skačylenku dy inšych vyzvalenych palitviaźniaŭ.
Hučać smutnyja hałasy: a biełarusaŭ niama kamu vykuplać, niama na kaho mianiać. Što ž, takaja dola mnohich hierojaŭ — ad Nelsana Mandeły da Łarysy Hienijuš. Mnohija ź ich vychodzili pieramožcami — adno praz doŭhija hady.
Samo rašeńnie ZŠA i Niamieččyny ŭzamien za patrebnych Pucinu ahientaŭ uratavać, vyciahnuć niekaha z rasijskich antyvajennych i prademakratyčnych aktyvistaŭ — mudraje.
Jano daść nadzieju, natchnić ich paplečnikaŭ pa rasijskaj apazicyi. A im ža niaprosta tam. Miž tym i budučynia Biełarusi zaležyć ad taho, ci ŭdasca śvietu źmianić Rasiju. I rasijskija siły, jakija pracujuć na hetyja źmieny, zasłuhoŭvajuć padtrymki. Voś čamu i vyzvaleńnie dysidentaŭ — heta krok u dobrym kirunku, jak u saviecki čas abmieny Bukoŭskaha i Ščaranskaha.
Ale ŭsia hetaja historyja taksama jasna pakazała ŭradam u tym liku Polščy, Litvy i Łatvii jak najbolš zacikaŭlenych — kali chočaš mieć chacia b šaniec niekaha vyciahnuć ź Biełarusi, treba zdabyć kahości, chto tamu režymu patrebny.
Jak pierakanalisia ŭ Varšavie dy inšych stalicach, prosta słovaŭ u Minsku nie razumiejuć.
Dumaju, uśviedamleńnie hetaha prymusić zaraz paniervavacca łukašenkaŭskuju pramuju ahienturu i ahientaŭ upłyvu.
Alaksandr Łukašenka i Uładzimir Pucin na Vałaamie, 26 lipienia 2024 hoda.
Rasijskija eks-palitźniavolenyja, adpraŭlenyja ŭ Hiermaniju, tak i nie źjavilisia na publicy
Donald Tramp žorstka raskrytykavaŭ praviedzieny abmien źniavolenymi
Čamu ŭ vialikim abmienie nie było biełaruskich palitviaźniaŭ? Adkaz Viačorki