Siam‘ja vyzvalenaha palitviaźnia Kara-Murzy pazvaniła jamu z Avalnaha kabinieta ŭ prysutnaści Bajdena. Toj byŭ uražany
Asudžany na 25 hadoŭ kałonii i vypuščany ŭčora na volu ŭ ramkach abmienu rasijski palityk Uładzimir Kara-Murza prylacieŭ u Hiermaniju, a nie ŭ ZŠA. Ź Biełaha doma ŭ Vašynhtonie jamu patelefanali dočki
02.08.2024 / 14:22
Džo Bajden stajaŭ uražanym ad razmovy, spačatku jon hładziŭ pa ruce adnu z dačok, a potym zastyŭ.
Uładzimir Kara-Murza padčas razmovy skazaŭ nastupnaje:
«Ja byŭ upeŭnieny, što pamru ŭ turmie. Ja nie vieru ŭ toje, što adbyvajecca. Mnie ŭsio jašče zdajecca, što ja splu ŭ svajoj kamiery ŭ Omsku, zamiest taho, kab čuć vaš hołas. Ale ja chaču skazać, što vy prarabili cudoŭnuju pracu, vyratavali tak šmat žyćciaŭ. Zdajecca, nas 16 čałaviek u hetym samalocie [adpraŭlenyja ŭ Hiermaniju — NN]. Mnie nie zdajecca, što ŭ śviecie jość šmat važniejšych rečaŭ za vyratavańnie čałaviečych žyćciaŭ».
Kara-Murza ciapier u špitali pad Kiolnam razam ź inšymi palitviaźniami, dzie jany prachodziać abśledavańnie.
Niamieckija ekśpierty ličać abmien źniavolenymi niebiaśpiečnym precedentam
Dzieci špijonaŭ Dulcavych tolki pry abmienie daviedalisia, što jany rasijanie, a nie arhiencincy?
Vyzvalenyja hramadzianie ZŠA sustrelisia z rodnymi FOTAFAKT
Pavieł Śluńkin: Hety abmien — balučy ŭdar pa biełarusach