Troje hramadzian ZŠA, vyzvalenych padčas vialikaha abmienu z Rasijaj, vyjšli z samalota na avijaabazie Endrus pad Vašynhtonam i paśla doŭhaha rasstańnia sustrelisia z rodnymi, piša Bi-bi-si.
![](http://nashaniva.com/img/w840d4webp1/photos/z_2024_08/usa1_ap240802-51ojf.jpg.webp)
Pieršym vyjšaŭ były marski piechaciniec Poł Uiłan, jakoha ŭ Rasii pasadzili pa abvinavačvańni ŭ špijanažy – iłžyvym, jak zajaŭlaje sam Uiłan i amierykanskija ŭłady.
Jaho sustrakali prezident Džo Bajden i vice-prezident Kamała Charys. Uiłan addaŭ honar Bajdenu i pacisnuŭ abodvum ruki.
Zatym vyjšaŭ žurnalist haziety Wall Street Journal Evan Hierškovič, jakoha rasijskija ŭłady aryštavali ŭ zvyčajnaj kamandziroŭcy i taksama abvinavacili ŭ špijanažy. Pacisnuŭšy ruki Bajdenu i Charys, jon upieršyniu paśla paŭtara hoda ŭ turmie zmoh abniać mamu i tatu. Akramia ich, Hierškoviča sustrakali niekalki kaleh.
![](http://nashaniva.com/img/w732d4webp1/photos/z_2024_08/usa2_240802-t1muf.jpg.webp)
Apošniaj vyjšła Ałsu Kurmašava — redaktar «Radyjo Svaboda», hramadzianka i Rasii, i ZŠA, jakuju aryštavali ŭ Maskvie i asudzili pierad samym abmienam za t. z. «vajennyja fejki». Jana taksama pacisnuła ruki Bajdenu i Charys i kinułasia da muža i dočak.
Vyzvaleny padčas abmienu palityk, siabar i paplečnik Alaksieja Navalnaha Illa Jašyn apublikavaŭ u svaim fejsbuku fatahrafiju z paplečnikami, jakija sustreli jaho ŭ Hiermanii.
![](http://nashaniva.com/img/w732d4webp1/photos/z_2024_08/jayn240802-z51uz.jpg.webp)
Uviečary vyzvalenyja padčas abmienu rasiejcy prylacieli ŭ Niamieččynu, u Kioln, ale da tych, chto ich sustrakaŭ, nie vyjšli, i źjaviłasia infarmacyja, što jany buduć adpraŭlenyja ŭ špital na abśledavańnie i karancin.
Kamientary