Kamała Charys ŭžo nabrała dastatkova hałasoŭ, kab stać kandydatkaj u prezidenty ZŠA
Vice-prezidentka ZŠA Kamała Charys pryciahnuła dastatkovuju kolkaść hałasoŭ ad delehataŭ Demakratyčnaj partyi, kab atrymać naminacyju na prezidenckija vybary.
02.08.2024 / 22:43
Kamała Charys. Fota: Andrew Harnik / Getty Images
Padčas anłajn-mierapryjemstva 2 žniŭnia staršynia Nacyjanalnaha kamiteta Demakratyčnaj partyi Džejmi Charysan zajaviŭ, što
«Charys atrymała bolšaść hałasoŭ ad usich delehataŭ źjezda i budzie vyłučanaja kandydatam ad Demakratyčnaj partyi paśla zaviaršeńnia hałasavańnia ŭ paniadziełak».
Hałasavańnie za kandydata ŭ prezidenty siarod delehataŭ Dempartyi pačałosia napiaredadni, 1 žniŭnia. Jaho vyrašyli pravieści pierad źjezdam partyi ŭ Čykaha 19-22 žniŭnia z-za jurydyčnych tonkaściaŭ, źviazanych z časam rehistracyi kandydata ŭ prezidenty ŭ niekatorych štatach.
Kančatkovyja vyniki hałasavańnia delehataŭ stanuć viadomyja ŭ noč na aŭtorak 6 žniŭnia.
Kamała Charys stanie pieršaj ciemnaskuraj žančynaj i pieršaj amierykankaj azijackaha pachodžańnia, jakaja budzie bałatavacca ŭ prezidenty ZŠA. Kandydatura Charys źjaviłasia paśla taho, jak prezident ZŠA Džo Bajden abviaściŭ ab źniaćci z vybaraŭ i padtrymaŭ vyłučeńnie vice-prezidentki.
Na nastupnym tydni Charys praviadzie pieradvybarčyja mierapryjemstvy ŭ klučavych štatach razam sa svaim kandydatam u vice-prezidenty, imia jakoha pakul nie nazvali. Mahčyma, im stanie hubiernatar Piensilvanii Džoš Šapira.
«Biełyja čuvaki za Kamału». Zorka amierykanskaha kino dapamahła Charys sabrać $4 młn
Štab Kamały Charys usiaho za tydzień sabraŭ rekordnuju sumu na jaje prezidenckuju kampaniju
Prezidenckaja honka ŭ ZŠA radykalna padzialiła maładych žančyn i mužčyn. U kaho jakija pryjarytety?