«Praca zrušyłasia ź miesca». Cichanoŭskaja zhadała pra pašpart Novaj Biełarusi
Na minułahodniaj kanfierencyi Novaj Biełarusi ŭ Varšavie pytańnie alternatyŭnaha biełaruskaha dakumienta, jaki mahli b atrymlivać biełarusy ŭ vyhnańni, u jakich praminuŭ termin dziejańnia zvyčajnaha pašparta, byŭ adnym z klučavych. Paśla taho ideja zabuksavała i prajšła praz skandały, ale na sioletniaj kanfierencyi Cichanoŭskaja taksama nie abyšła jaje ŭvahaj.
03.08.2024 / 19:30
«Kali byŭ momant, što voś-voś buduć vydadzienyja ŭzory pašpartoŭ, na centr, jaki vyrablaje pašparty, pačałasia ataka. My vytrymali ŭdar», — skazała Cichanoŭskaja, majučy na ŭvazie skandał z kampanijaj Garsų pasaulis, ź jakoj supracoŭničaŭ Abjadnany pierachodny kabiniet i kiraŭnictva jakoj zapadozryli ŭ kantaktach z režymam Łukašenki.
Ciapier ža, pavodle Śviatłany Cichanoŭskaj, realizacyja prajekta praciahvajecca z novymi kadrami:
«U nas źjaviłasia arhanizacyja pašpartnaha prajekta. Byŭ pryznačany dyrektar, heta Maryjus Hudełajcis, jon tut. Vielmi daśviedčany čałaviek, jaki budzie na čale pašpartnaha prajekta. Praca zrušyłasia ź miesca».
Kiraŭnik Centra vydačy asabistych dakumientaŭ Litvy adchileny ad pasady paśla rasśledavańnia BRC
Kavaleŭski piarečyć Łatušku i raskazvaje, što zapavolvaje praces z pašpartam Novaj Biełarusi
Valer Kavaleŭski prakamientavaŭ rasśledavańnie BRC, datyčnaje prajekta pašparta Novaj Biełarusi
Kiraŭnica Jeŭraparłamienta raskazała, ci pryznaje Jeŭrasajuz pašpart Novaj Biełarusi