Premjerka Litvy prakamientavała rasśledavańnie ŭ dačynieńni da kampanii, źviazanaj z prajektam pašparta Novaj Biełarusi
Litoŭski ŭrad moža admovicca ad jaje pasłuh pa vyrabie pašpartoŭ.
Premjer-ministr Litvy Inhryda Šymanicie prakamientavała rasśledavańnie ŭ dačynieńni da kampanii Garsų pasaulis. Departamient dziaržbiaśpieki praviaraje kampaniju, jakaja zajmajecca vyrabam pašpartoŭ, na pradmiet suviazi z režymam Łukašenki.
Pa słovach Šymanicie, kali kampanija budzie pryznana nienadziejnaj, litoŭski ŭrad budzie šukać inšaha pastaŭščyka, piša LRT.
«U ciapierašni čas pryniaty ŭsie miery pa praviercy nadziejnaści kampanii. Jak paviedamili ŭ MUS, ministr unutranych spraŭ u čarhovy raz źviarnuŭsia ŭ Departamient dziaržbiaśpieki z prośbaj pravieści pieraacenku nadziejnaści kampanii z punktu hledžańnia pahroz nacyjanalnaj biaśpiecy, chacia kampanija maje siertyfikat nadziejnaści pastaŭščyka pasłuh, vydadzieny DDB», — adznačyła Šymanicie.
Premjerka raskazała, što pravierku taksama pravodzić Słužba pa rasśledavańni finansavych złačynstvaŭ.
«Kali kampanija budzie pryznana niadobranadziejnaj, my budziem šukać inšyja mahčymaści vyrabu asabistych dakumientaŭ», — zajaviła Šymanicie.
Kampanija Garsų pasaulis była pryciahnutaja da prajektu pašparta Novaj Biełarusi. Pra toje, što kampanija źviazanaja ź biznesoŭcam Viktaram Šaŭcovym, nabližanym da Łukašenki, napisaŭ u svaim niadaŭnim rasśledavańni Biełaruski rasśledavalnicki centr.
Litoŭskaja dziaržbiaśpieka rasśleduje pytańnie mahčymaj suviazi kampanii, źviazanaj z vyrabam pašpartoŭ Novaj Biełarusi, z režymam Łukašenki
«Zakazny artykuł z metaj dyskredytacyi». Hieroj rasśledavańnia pra pašpart Novaj Biełarusi raskazvaje svaju viersiju padziej
Valer Kavaleŭski prakamientavaŭ rasśledavańnie BRC, datyčnaje prajekta pašparta Novaj Biełarusi
Čynoŭniki prydumali niezvyčajny sposab utrymać školnikaŭ ad pastupleńnia za miažu2
Kamientary