Ukraina atrymała dziesiać źniščalnikaŭ F-16
Raniej paviedamlałasia, što pieršaja partyja samalotaŭ-źniščalnikaŭ F-16 užo prybyła va Ukrainu, ale kolkaść samalotaŭ nie nazyvałasia.
04.08.2024 / 16:59
F-16 va Ukrainie. Skryn videa pres-słužby Zialenskaha
Ukraina atrymała dziesiać F-16, paviedamiŭ The Economist. Da kanca hoda va Ukrainu prybuduć jašče 20 samalotaŭ amierykanskaj vytvorčaści, piša vydańnie.
Usiaho USU atrymaje 79 F-16. Astatnija źniščalniki, jakija abiacali pieradać Danija, Niderłandy i inšyja krainy, buduć pastupać partyjami ŭ 2025 hodzie.
Što źniščalniki ŭžo va Ukrainie, paćvierdziŭ prezident Ukrainy Uładzimir Zialenski.
«Ja dziakuju ŭsim partnioram, jakija sapraŭdy dziejsna dapamahajuć z F-16, i pieršym dziaržavam, jakija akceptavali naš zapyt ab pieradačy samalotaŭ — Danija, Niderłandy, Złučanyja Štaty, -— i ŭsie našy partniory. My cenim vašu padtrymku!» — napisaŭ Zialenski 4 žniŭnia ŭ svaim aficyjnym telehram-kanale.
Ci šmat źmienicca ad taho, što va Ukrainu prybyli źniščalniki F-16?
Pieršaja partyja źniščalnikaŭ F-16 prybyła va Ukrainu
USU mianiajuć stratehiju, rychtujučysia da prybyćcia F-16