Bolš čym praz hod paśla taho, jak ZŠA pahadzilisia na pieradaču Ukrainie źniščalnikaŭ F-16, pieršyja samaloty prybyli na jaje terytoryju, piša The Moscow Times.
Apošnim terminam dastaŭki byŭ kaniec lipienia, i jon vytrymany, raskazali ahienctvu Bloomberg ludzi, znajomyja ź situacyjaj.
Pa słovach krynic, kolkaść samalotaŭ nievialikaja. Pry hetym jany nie viedajuć, ci zmohuć padrychtavanyja zachodnimi krainami ŭkrainskija piłoty adrazu prystupić da bajavoha dziažurstva, ci na heta pojdzie jašče čas.
Pastaŭka samich samalotaŭ — tolki častka pracesu ŭzmacnieńnia ŭkrainskich VPS. Jon taksama ŭklučaje ŭ siabie navučańnie piłotaŭ i techničnaha piersanału, padrychtoŭku ŭźlotna-pasadačnych pałos i baz dla ramontu i absłuhoŭvańnia.
Praces navučańnia piłotaŭ F-16 na Zachadzie zajmaje kala čatyroch hadoŭ. Paśla hetaha amierykanskija lotčyki zvyčajna pravodziać nie mienš za hod u svaim padraździaleńni pierad nakiravańniem na miesca słužby, «a hetyja chłopcy adpraviacca adrazu ŭ boj», skazaŭ The Wall Street Journal amierykanski čynoŭnik pra ŭkrainskich piłotaŭ.
Pavodle infarmacyi The New York Times, pakul udzielničać u bajavych vyletach zmoža tolki kala dziasiatka F-16, da jakich buduć prymacavanyja kala 20 piłotaŭ, jakija prajšli navučańnie.
Na dumku amierykanskich vajskoŭcaŭ, najbolš efiektyŭnaje vykarystańnie F-16 va Ukrainie — zabieśpiačeńnie padtrymki z pavietra i likvidacyja naziemnych pahroz vojskam na pieradavoj. Jeŭrapiejskija ž vajskoŭcy ličać, što F-16 možna vykarystoŭvać dla supraćpavietranaj abarony i dla taho, kab adsunuć rasijskija samaloty dalej ad linii frontu.
Prybyćcio F-16 nie vyrašyć usich prablem, havoryć hienierał-major Rolf Fołand, kamandujučy Karaleŭskich VPS Narviehii:
«Ale, majučy F-16 sa zbrojaj vialikaj dalokaści, možna adcisnuć dalej rasijskija VPS, a heta samaje hałoŭnaje».
ZŠA abstalujuć samaloty F-16 dla Ukrainy sučasnaj zbrojaj
Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam
Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg
Pačaŭsia praces pieradačy źniščalnikaŭ F-16 Ukrainie — pieršyja samaloty ŭžo na šlachu ŭ krainu
Hałoŭkam VMS Ukrainy: Rasija hublaje krymski chab u Čornym mory
Kamientary