Арман Дзюпланціс устанавіў новы фантастычны сусветны рэкорд у скачках з шастом на Алімпіядзе
У панядзелак гледачы на стадыёне «Стад дэ Франс» сабраліся шмат у чым дзеля гэтага моманту. І касмічны швед не падвёў.
06.08.2024 / 07:16
Фото: Patrick Smith/Getty Images
Шведскі скакун з шастом Арман Дзюпланціс стаў двухразовым алімпійскім чэмпіёнам, заадно чарговы раз перапісаўшы сусветнае дасягненне.
Дзюпланціс з трэцяй спробы ўзяў вышыню 6 метраў 25 сантыметраў — і ўсталяваў сусветны і алімпійскі рэкорды. Ён дадаў да ўласнага сусветнага дасягнення яшчэ сантыметр. Папярэдні сусветны рэкорд Арман устанавіў у красавіку 2024 года на этапе Брыльянтавай лігі.
У 24-гадовага шведа ў сектары няма супернікаў, акрамя яго самога: срэбны прызёр Парыжа амерыканец Сэм Кендрыкс узяў толькі 5.95, а грэк Эмануіл Караліс, які заняў трэцяе месца, — 5.90.
Дзюпланціс узяў другое ў кар'еры алімпійскае золата: тры гады таму ў Токіа ён перамог з вынікам 6 метраў 2 сантыметры.
За чатыры гады Арман, які лічыцца ледзь не галоўнай зоркай сучаснай лёгкай атлетыкі, перапісаў сусветны рэкорд дзевяць разоў.
Алжырская баксёрка, якую раскрытыкавалі за наяўнасць мужчынскіх храмасом, паскардзілася на цкаванне
Брытанскі вясляр стаў першым, хто заваяваў алімпійскія медалі ў мужчынскім і жаночым заліку. Як так?
Лесбіянка з Камеруна прынесла першы ў гісторыі медаль алімпійскай зборнай бежанцаў