Лесбіянка з Камеруна прынесла першы ў гісторыі медаль алімпійскай зборнай бежанцаў
Заснаваная ў 2016 годзе алімпійская каманда бежанцаў, якая складаецца са спартсменаў, вымушаных пакінуць радзіму, на Алімпіядзе-2024 упершыню адзначылася заваяваным медалём, піша «Трыбуна».
Баксёрка з каманды бежанцаў пад імем Сіндзі Вінер Нгамба аднагалосным рашэннем суддзяў перамагла францужанку Давіну Мішэль і выйшла ў паўфінал у вагавой катэгорыі да 75 кг, гарантаваўшы сабе мінімум бронзу.
Сіндзі нарадзілася 7 верасня 1998 года ў камерунскай Дуале. Аднак у 10-гадовым узросце яна разам са сваякамі пераехала ў Вялікабрытанію, дзе пазнаёмілася з боксам. Таксама дзяўчына атрымала адукацыю ва ўніверсітэце Болтана, адвучыўшыся на крымінолага.
Нгамба трэніруецца з баксёрскай камандай Вялікабрытаніі, але не можа выступаць пад брытанскім сцягам, бо ў яе няма брытанскага пашпарта. У 2019 годзе Сіндзі разам з братам нават знаходзілася за крок ад дэпартацыі. Цэлы дзень абодвух пратрымалі ў следчым ізалятары, аднак пасля адпусцілі.
У 18 гадоў Нгамба прызнала сваю гомасэксуальнасць. У Камеруне гэта крымінальны артыкул, гэта значыць спартсменцы пагражае зняволенне. Менавіта гэтым і адсутнасцю дакументаў тлумачыцца ўдзел жанчыны ў зборнай бежанцаў. Менавіта Нгамба трымала алімпійскі сцяг падчас урачыстага заплыву нацыянальных камандаў па Сене.
Каб прабіцца ў фінал і зрабіць сур'ёзную заяўку на алімпійскае золата, камерунцы 8 жніўня трэба будзе адолець панамку Атэйну Байлан. Але нават калі яна і прайграе, то бронзавы медаль будзе мець па-любому. Бокс — адзін з нямногіх відаў спорту, дзе баі за бронзавы медаль не праводзяцца, і іх атрымліваюць адразу два спартсмены — тыя, якія прайгралі ў паўфіналах.
Алжырская баксёрка, якую раскрытыкавалі за наяўнасць мужчынскіх храмасом, паскардзілася на цкаванне
Брытанскі вясляр стаў першым, хто заваяваў алімпійскія медалі ў мужчынскім і жаночым заліку. Як так?
У гэта складана паверыць, але Новак Джокавіч упершыню ў кар'еры стаў алімпійскім чэмпіёнам
Французскія спартсмены на алімпіядзе звяртаюць на сябе ўвагу. Часам прычына далёка не спартыўная
За гендарным скандалам на Алімпіядзе ў Парыжы стаіць Расія
Ці шмат у свеце засталося кіраўнікоў дзяржаў, якія прыйшлі да ўлады раней за Лукашэнку?
Вяселле і драма кахання года, самы гучны зліў і нечаканае вяртанне — асноўныя людзі і падзеі 2024 года2
Каментары
А пра скандал, што Нямеччына робіць праблемы з чарговымі санкцыямі адносна Расіі, адносна паставак Украіне зброі ці пра пратэсты супраць злачынстаў мігрантаў, як напрыклад у Вялікабрытаніі, ужо не. Ну-ну.
Акрамя таго, раней неяк не было чуваць пра зборную ўцекачоў. Таму для НН гэта рэальна цікавая тэма, калі яе ніхто раней не перахопіць (а, калі перахопіць, то вы ж агрэгатар, можаце і перапосціць) - цікава, што на Алімпіядзе акрамя каманды "нейтралаў" з беларуска-расійскімі спартовымі ізгоямі ёсць яшчэ і зборная ўцекачоў. Хто туды ўваходзіць, як яна фармуецца і ці могуць туды патрапіць беларускія палітычныя ўцекачы-спартоўцы?