Rasijanin jechaŭ z Francyi i dumaŭ, što nadziejna schavaŭ 39 patronaŭ ad vintoŭki. Viciebskija mytniki znajšli
Ciapier jamu pahražaje da siami hadoŭ.
06.08.2024 / 18:26
Fota: Mytny kamitet
Hramadzianin Rasii jechaŭ z žonkaj na mašynie z Francyi. Jon pasprabavaŭ pierasiačy biełaruskuju miažu ŭ punkcie propusku «Hryharoŭščyna».
Mytnikam jon zajaviŭ, što tavaraŭ dla dekłaracyi nie viazie. Adnak mužčyna im zdaŭsia padazronym, i jany vyrašyli ahledzieć mašynu.
U skryncy z rybałoŭnymi snaściami mytniki znajšli 39 vintovačnych patronaŭ kalibra 5,6ch16R — bojeprypasy da ručnoj naraznoj ahniastrelnaj zbroi, prydatnyja dla stralby.
U dačynieńni da hramadzianina Rasii, jaki išoŭ u jakaści pasažyra, raspačataja kryminalnaja sprava za niezakonnaje pieramiaščeńnie bojeprypasaŭ praź miažu.
Artykuł praduhledžvaje pazbaŭleńnie voli terminam až da 7 hadoŭ.
Za «raspaŭsiud ekstremizmu» zatrymali žychara Drybina
Čamu rasijskija drony stali čaściej zalatać u Biełaruś?