Minadukacyi vykinuła z formaŭ biełaruskaj dziaržaŭnaści BNR
Kamanda manitorynhu pa adukacyi @iSANS_Belarus źviarnuła ŭvahu na novy instruktyŭna-mietadyčny list, jaki Ministerstva adukacyi štohod publikuje pierad pačatkam novaha navučalnaha hoda. Hetym razam u im byŭ apublikavany i dadatak pa školnym pradmiecie «Historyja», dzie pieraličanyja źmieny, uniesienyja ŭ navučalnyja prahramy, piša «MotolkoPomohi».
08.08.2024 / 16:25
Adnym z asnoŭnych novaŭviadzieńniaŭ u navučalnych prahramach pa historyi Biełarusi źjaŭlajecca patrabavańnie da vučniaŭ viedać asnoŭnyja formy dziaržaŭnaści na terytoryi Biełarusi. Tudy ŭklučanyja ŭsie formy znachodžańnia terytoryi Biełarusi ŭ składzie Rasijskaj impieryi i navat Litbieł.
Pry hetym absalutna śviadoma Minadukacyi vyklučyła z formaŭ biełaruskaj dziaržaŭnaści Biełaruskuju Narodnuju Respubliku. Na dumku Ministerstva adukacyi, adrazu paśla znachodžańnia terytoryi Biełarusi ŭ składzie Rasijskaj impieryi biełaruskaja dziaržaŭnaść była aformlenaja praz stvareńnie SSRB.
Jak nazva «Biełaruś» napoŭniłasia palityčnym sensam