Pačobut nie choča pakidać Biełaruś biez mahčymaści viarnucca
Polšča robić usie namahańni dla vyzvaleńnia palitviaźnia Andžeja Pačobuta, adnak uličvaje jaho ŭłasnaje bačańnie situacyi. Pra heta ŭ efiry TVN24 zajaviła kiraŭnica kancylaryi prezidenta Polščy Małhažata Paprocka, piša Reform.news.
09.08.2024 / 11:13
Fota: sb.by
Nahadajem, paśla abmienu źniavolenymi pamiž krainami Zachadu i Rasiejaj były ministr unutranych spraŭ i administracyi Maryjuš Kamiński vystupiŭ z krytykaj praz toje, što ŭ abmieny na byŭ uklučany Pačobut, adrasavaŭšy paproki pradstaŭnikam polskich uładaŭ.
Adkazvajučy na pytańni ab vykazvańniach Kamińskaha, kiraŭnik kancylaryi adznačyła, što prezident Andžej Duda prymaje blizka da serca spravu vyzvaleńnia Pačobuta. Jana padkreśliła, što nie moža ŭdavacca ŭ detali niadaŭna jaki adbyŭsia abmienu.
«Chaču zapeŭnić, što ŭsie namahańni ŭ hetaj spravie prykładajucca. U toj ža čas treba pamiatać, što spadar Pačobut maje svajo mierkavańnie ŭ hetaj spravie i pierš za ŭsio nie choča źjechać ź Biełarusi biez mahčymaści viarnucca tudy kali-niebudź», — skazała jana.
Jana zapeŭniła, što «jość adpaviednyja kanały kantaktu sa spadarom Pačobutam», u adkaz na ŭdakładniajučaje pytańnie, ci jość u polskaha boku suviaź ź siamjoj palitviaźnia i ŭpeŭnienaść, što jaho pazicyja nie źmianiłasia. Paprocka adznačyła, što sprava Pačobuta doŭžycca nie adzin hod i ŭsie ŭrady Polščy rabili adpaviednyja namahańni. Razam z tym, jana spadziajecca na pośpiech.
«Ja raźličvaju, što heta sprava ŭ niadoŭhim časie budzie mieć dobry finał», — skazała jana.
«Jość pytańnie supracoŭnictva z sajuźnikami. Byli peŭnyja prośby, adrasavanyja Polščy, a pra toje, jakija byli dakładnyja ŭmovy, jakoj była pazicyja Polščy ŭ pieramovach z chaŭruśnikami, tut mianie abaviazvaje dziaržaŭnaja tajamnica», — dadała jana, kamientujučy krytyku Kamińskaha.
U Polščy patłumačyli, čamu rasijskaha špijona Rubcova nie abmianiali na Pačobuta
MZS Polščy: Pytańnie vyzvaleńnia Pačobuta my abmiarkoŭvajem napramuju ź Biełaruśsiu
Ci mohuć demakratyčnyja siły vyzvalić palitviaźniaŭ praz svaju dyskredytacyju? Heta iluzija