MZS Polščy: Pytańnie vyzvaleńnia Pačobuta my abmiarkoŭvajem napramuju ź Biełaruśsiu
Andžej Šejna raskazaŭ, što pieramovy ab vyzvaleńni Andžeja Pačobuta viaducca ŭ dvuchbakovym paradku pamiž Polščaj i Biełaruśsiu.
![](http://nashaniva.com/img/w840d4webp1/photos/z_2024_08/paobut240802-k9rrf.jpg.webp)
Namieśnik ministra zamiežnych spraŭ Polščy Andžej Šejna patłumačyŭ, čamu Andžej Pačobut nie byŭ uklučany ŭ vialiki abmien pamiž krainami Zachadu i Rasijaj, jaki prajšoŭ na tydni ŭ Ankary.
Polski bok u miežach abmienu vydaŭ ahienta HRU Paŭła Rubcova. Pry hetym apazicyja krytykuje kaalicyjny ŭrad za toje, što ŭ abmien na ahienta Polšča ničoha nie atrymała.
Pa słovach Šejny, u dadzienym vypadku Varšava dziejničała pa zapycie administracyi prezidenta ZŠA, sam abmien dypłamat nazvaŭ «akcyjaj za svabodu pad kiraŭnictvam ZŠA — sajuźnika Polščy pa NATA», piša wpolityce.pl.
«My ŭličyli, padtrymali i dziejničali na prośbu administracyi prezidenta Džo Bajdena. Rasijskija ahienty, u tym liku i zabojca, byli vyzvalenyja, ale naŭzamien svabodu atrymali nievinavatyja ludzi, jakija stali zakładnikami pucinskaha režymu.
I heta dziejnaść, jakaja ŭvachodzić u ramki supracoŭnictva ŭnutry NATA, u ramki transatłantyčnaha supracoŭnictva», — adznačyŭ Šejna.
Dypłamat dadaŭ, što pytańnie vyzvaleńnia Andžeja Pačobuta, jak i inšych palitźniavolenych, abmiarkoŭvajecca ŭ inšym farmacie — napramuju ź Biełaruśsiu.
Pavodle słoŭ Šejny, ministr zamiežnych spraŭ Radasłaŭ Sikorski ŭźnimaje heta pytańnie na kožnym pasiadžeńni kiraŭnictva viedamstva.
Łatuška prakamientavaŭ prapanovu režymu vydać jaho ŭ abmien na Pačobuta
Łukašysty prapanoŭvali palakam u abmien na vyzvaleńnie Pačobuta vydać im Łatušku — były ministr
Cichanoŭskaja: My nie viedali pra abmien źniavolenymi i nie ŭdzielničali ŭ pracesie
Były polski ministr: Rasijanina Rubcova Polšča pavinna była addać za Pačobuta
Sikorski: Polšča praciahvaje pracavać nad vyzvaleńniem Pačobuta
Čamu ŭ vialikim abmienie nie było biełaruskich palitviaźniaŭ? Adkaz Viačorki
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary
Voś jany i źniavolili, trymajuć, nie mianiajuć karala Andrusia I.
Nia słuchajcie nikoha, karol Andruś sam adamknie viaziennyja dźviery, jak Banapart z Elby, abviaścicca ŭ staličnaj Varucie i padtrymany akrylenym ludam vyzvalić Vajšnoryju z-pad imperskaje papruhi Biełoruśsii