Charys pieramahaje. Za jaje ŭ siarednim 48%, za Trampa — 46%
Heta siaredni vynik apytańniaŭ roznych sacyjałahičnych słužbaŭ.
11.08.2024 / 11:00
Kałaž: Andrew Harnik, Bill Pugliano / Getty Images
U ZŠA pravodziacca dziasiatki pieradvybarčych apytańniaŭ — i ahulnanacyjanalnych, i pa kankretnych štatach. Sacyjałahičnyja słužby dbajuć ab svajoj reputacyi, tamu nie skatvajucca ŭ falsifikacyi, ale ideałahičnaja blizkaść da toj ci inšaj partyi moža ŭpłyvać na atrymanyja ličby. Tamu dla taho, kab atrymać bolš abjektyŭny vynik, usie apytańni zvodziacca ŭ adnu tablicu i pa śpiecyjalnych formułach vyličvajecca siaredniaje značeńnie.
Kamu na ciapierašni momant addajuć pieravahu amierykancy? Vyhladaje, što demakratcy Kamale Charys. Jana nabiraje 48%, a jaje apanient, respublikaniec Donald Tramp — 46%.
Padliki časopisa The Economist
Pierad tym, jak Džo Bajden źniaŭsia z honki, jon prajhravaŭ Trampu 44%-47%. Adnak zamiena kandydata pakul vyhladaje ŭdałym rašeńniem. Startava Charys mieła takuju ž padtrymku, jak Tramp, ale 23 lipienia aformiła pieravahu i z taho času nie hublaje jaje.
Prezidenckaja honka ŭ ZŠA radykalna padzialiła maładych žančyn i mužčyn. U kaho jakija pryjarytety?
Tramp i Charys praviaduć debaty na telekanale ABC