Ukrainskija vojski pačali prasoŭvańnie ŭ kirunku Rylska — z-vajenkar
Juryj Padalaka raspavioŭ u telehram-kanale pra stanovišča ŭ Kurskaj vobłaści na 15:00 11 žniŭnia.
11.08.2024 / 16:25
Mapa, apublikavanaja Juryjem Padalakam
Jak jon śćviardžaje, siońnia ŭ Hłuškaŭskim i ŭ Rylskim rajonie pačalisia «surjoznyja padziei».
«Z ranicy im było atakavana Ciotkina. Heta siało jašče da boju pa fakcie achoplena praciŭnikam z troch bakoŭ, a tamu zaniaćcie praciŭnikam tut niekalkich apornikaŭ nikoha ździŭlać nie pavinna. Pakul nie jasna, ustalavaŭ praciŭnik kantrol nad vioskaj ci nie, ale, dumaju, heta nie budzie jamu vielmi ciažka», — piša vajenkar.
Pavodle jaho infarmacyi, iduć bai ŭ vioscy Hardziejeŭka, jakuju ŭkraincy taksama sprabujuć uziać pad kantrol.
«Na Rylskim napramku praciŭnik taksama siońnia pačaŭ aktyŭnyja apieracyi i, pa maich danych, siało Słabodka-Ivanava pierajšła pad ich kantrol. Choć, pakul nie zrazumieła, moža heta i DRH. A kali nie, to značyć, surjoznyja bai na dadzienym učastku pačalisia», — piša jon.
Ukrainski bok zusim nie kamientuje raźvićcio situacyi ŭ Kurskaj vobłaści. Aficyjnyja rasijskija ŭłady, u asnoŭnym, zaspakojvajuć. Daviedacca jakuju-niebudź infarmacyju ciapier možna tolki ad z-vajenkaraŭ.
Upłyvovaje zachodniaje vydańnie nazvała aŭtara idei nastupać na Kursk
Zialenski ŭpieršyniu prakamientavaŭ apieracyju USU ŭ Kurskaj vobłaści
«Padłavili va ŭpor sa Stynhiera». U Kurskaj vobłaści źbili rasijski viertalot Ka-52