Upłyvovaje zachodniaje vydańnie nazvała aŭtara idei nastupać na Kursk
Apieracyja USU, jakaja rychtavałasia niekalki miesiacaŭ, stała poŭnaj niečakanaściu dla Rasii.
Kali źjavilisia paviedamleńni pra vajskoŭcaŭ u Kurskaj vobłaści, heta vyhladała čarhovaj dyviersijaj antypucinskich apałčencaŭ. Ale paśla stała zrazumieła, što za ryzykoŭnaj apieracyjaj stajać Kijeŭ i USU, jakija prahnuć nanieści stratehičny kontrudar Rasii.
Apieracyja, jakaja staranna płanavałasia niekalki miesiacaŭ, stała niečakanaściu dla Maskvy i zachodnich partnioraŭ Ukrainy. I ŭ joj vyrazna bačny ŭpłyŭ prezidenta Uładzimira Zialenskaha. Pra heta piša The Times.
«Paŭsiul asabistyja adbitki palcaŭ prezidenta Zialenskaha. U Kijevie na praciahu mnohich miesiacaŭ było sakretam, što prezident cisnuŭ na svajo vajennaje kiraŭnictva, kab jano pačynała letni nastup», — piša vydańnie.
Praz prablemy z žyvoj siłaj i resursami ŭkrainskija vysokapastaŭlenyja vajskoŭcy vahalisia, ale Zialenski, žadajučy źmianić naratyŭ ab tym, što Ukraina prajhraje vajnu, nastajaŭ na apieracyi.
Jak piša The Times, dla hetaj apieracyi zadziejničali ad 6000 da 10000 vajskoŭcaŭ. Kamandavańnie hatovaje ryzykavać kaštoŭnymi sałdatami i abstalavańniem dziela dasiahnieńnia pośpiechu.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary