Funkcyja 360-hradusnaha ahladu navakolla ad Apple raspaŭsiudzicca i na Biełaruś
Heta vynikaje z bahaŭ beta-testavańnia braŭziernaj viersii Apple Maps, paviedamlaje bujny partał MacRumors.
13.08.2024 / 07:00
Ikonka dadatku mapaŭ Apple na fonie Niaśvižskaha zamku. Fota: vecteezy / Apple
Pa infarmacyi MacRumors, beta-testavańnie braŭziernaj viersii dadatku Apple Maps vypadkova vykryła budučyja zony pakryćcia funkcyjaj «Ahledziecca», jakaja dazvalaje ahladać usie asnoŭnyja aŭtastrady, haradskija darohi i vulicy roznych nasielenych punktaŭ na 360 hradusaŭ.
Adnoj z takich budučych zonaŭ pakryćcia stanie ŭsia Biełaruś, vynikaje z bazavaha kodu i bahaŭ beta-testu mapaŭ Apple. Panaramnaja vizualizacyja miescaŭ moža być zasnavana na fatahrafijach za 2023 hod, piša MacRumors.
Vyniki beta-testu taksama śviedčać ab tym, što funkcyja «Ahledziecca» taksama raspaŭsiudzicca i na takija krainy, jak Maroka, Jehipiet, Iardanija, Siryja, Livan, Kitaj, Turcyja, Bałharyja, Mieksika i Słavakija.
Dla mnohich z vyšejpieraličanych krain heta budzie pieršy vypadak, kali stanuć dastupnyja vysakajakasnyja vyjavy vulic i navakolla, bo kankurentny dadatak Street View ad Google maje ŭ hetych krainach mienšuju jakaść i detalizacyju panaramnych fatahrafij.
Žurnalisty vyśvietlili, dzie Apple chavaje svaju samuju pieradavuju łabaratoryju