Пасольства Італіі вырашыла правяраць мэтавае выкарыстанне віз
Пра гэта ў панядзелак папярэдзіў візавы цэнтр, які працуе з дыпламатычным прадстаўніцтвам. Пры паўторнай падачы на візу прыйдзецца прыкласці дакументы, якія пацвярджаюць яе выкарыстанне.
13.08.2024 / 08:59
«Пасольства Італьянскай Рэспублікі праводзіць выбарачны маніторынг мэтавага выкарыстання выдадзеных віз. Атрыманне італьянскай шэнгенскай візы прадугледжвае, што галоўнай краінай прызначэння з'яўляецца Італія (што не выключае транзіт або знаходжанне ў іншых краінах Шэнгенскай зоны). У сувязі з гэтым пры паўторным звароце па візу мы просім заяўнікаў прадставіць сведчанні ранейшых паездак у Італію», — гаворыцца ў паведамленні цэнтра.
У якасці прыкладаў пацвярджальных дакументаў у цэнтры назвалі:
- аплачанае пражыванне ў Італіі з указаннем прозвішчаў і дат;
- аплачаныя квіткі ў Італію;
- імянныя чэкі на выдаткі ў Італіі (сума аднаго не менш за 50 еўра);
- выпіска з банкаўскага рахунку, якая адлюстроўвае выдаткі ў Італіі;
- сумесныя фатаграфіі — для заяўнікаў па запрашэнні грамадзян Італіі.
«Вышэйпаказаныя матэрыялы не ўваходзяць у абавязковы пакет дакументаў, але могуць апынуцца карыснымі для рашэння аб выдачы візы. Гранічны аб'ём — да 4 аркушоў», — гаворыцца ў аб'яве.
Венгрыя? Італія? Ці Грэцыя? Дзе можна хутка і лёгка аформіць шэнгенскую візу
Рукі дрыжаць, слёзы льюцца: новы трэнд беларускага тыктоку — распакоўка візы
Балгарскае пасольства часова перастане афармляць нацыянальныя візы тыпу D