Роту расійскіх салдат узялі ў палон у Курскай вобласці

14 жніўня ўкраінскі спецназ захапіў ротны апорны пункт, у якім было 102 чалавекі. Усіх іх узялі ў палон.

15.08.2024 / 10:09

Спецназ СБУ ўзяў у палон 102 расійскіх вайскоўцаў на Курскім кірунку. Гэта самае масавае ўзяцце ворага ў палон, якое ўдалося правесці за адзін раз.

Ім удалося захапіць разгалінаваны, бетанаваны і якасна ўмацаваны з усіх бакоў ротны апорны пункт — з падземнымі камунікацыямі і памяшканнямі для пражывання асабістага складу, сталовай і нават лазняй.

Праект: Хачу жыць

Сярод палонных вайскоўцы 488-га гвардзейскага мотастралковага палка і падраздзялення «Ахмат».

Учора галоўнакамандуючы УСУ Аляксандр Сырскі паведамляў, што толькі за палову дня байцы УСУ ўзялі ў палон больш за 100 расійскіх салдат.

«Мы ўвайшлі лёгка, практычна без супраціву». Што гавораць пра аперацыю УСУ ў Курскай вобласці яе ўдзельнікі

У пачатку баёў у Курскай вобласці расіяне прымалі ўкраінцаў за сваіх

Украінская аперацыя ў Расіі прывяла да калапсу на чыгунцы: РЖД не прымае саставы з Беларусі на Маскоўскім і Бранскім кірунках

Nashaniva.com