У пачатку баёў у Курскай вобласці расіяне прымалі ўкраінцаў за сваіх
Украінскі афіцэр расказаў, як захапілі расійскі танк.
Карэспандэнт Bild Вадзім Маісенка пабываў у Сумскай вобласці Украіны каля дзяржмяжы з РФ. Ён паразмаўляў з 38-гадовым украінскім афіцэрам Уладзімірам.
Той распавёў, што 6 жніўня, у першы дзень наступу ў Курскай вобласці, УСУ так хутка прасоўваліся наперад, што расійскія вайскоўцы часта памыляліся, прымаючы ўкраінцаў за сваіх. Па словах Уладзіміра, адна з яго частак ужо ў першы дзень заняла другую лінію абароны УС РФ. Неўзабаве туды пад'ехалі два расійскія ваенныя грузавікі.
«Каля 100 расійскіх жаўнераў выйшлі з грузавікоў і пайшлі ў бок нашай пазіцыі. Яны не ведалі, што іх другая лінія — гэта ўжо наша першая. <..> Калі яны падышлі прыкладна на 60 метраў, нашы салдаты адкрылі агонь», — распавёў афіцэр.
Ужо ў прыцемках да ўкраінскіх салдат пад'ехаў расійскі танк.
«Дула было звернута назад, танк не быў гатовы да бою», — заявіў Уладзімір. Па ўсёй бачнасці, танкісты таксама не ведалі, што гэтую тэрыторыю ўжо кантралююць УСУ. Танк паехаў у бок лесу, дзе ўкраінцы капалі акопы. Расейскі танкіст выйшаў і спытаў іх: «Хлопцы, дзе лепш прыпаркавацца?»
Украінцы адказалі: «Выходзьце, вы ўжо прыпаркаваліся».
«Так мы захапілі танк!» — пераможна расказвае афіцэр і смяецца.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары