U Rasii znoŭ aryštavali pa kryminalnaj spravie amierykanca
14 žniŭnia hramadzianin ZŠA Džozef Tater byŭ aryštavany ŭ Maskvie na 15 sutak pa administracyjnym artykule ab drobnym chulihanstvie. Ciapier ža Miaščanski sud Maskvy pryniaŭ rašeńnie ŭtrymlivać jaho ŭ SIZA da 14 kastryčnika. Suprać amierykanca zaviali kryminalnuju spravu ab prymianieńni hvałtu ŭ dačynieńni da pradstaŭnika ŭłady, nie niebiaśpiečnaha dla žyćcia i zdaroŭja (č. 1 art. 318 KK RF).
15.08.2024 / 19:04
Džozef Tater
Śćviardžajecca, što hramadzianin ZŠA 1978 hoda naradžeńnia biespaśpiachova sprabavaŭ zasialicca ŭ hatel na praśpiekcie Miru ŭ Maskvie, pry hetym niecenzurna łajaŭsia jak na ruskaj, tak i na anhielskaj movie.
Pa viersii surazmoŭcy ahienctva «Interfaks», Džozefu Tateru było admoŭlena ŭ zasialeńni, pakolki ŭ jaho nie było mihracyjnaj karty, a taksama z-za ahresiŭnych pavodzin. Z hatela jaho dastavili ŭ palicejski adździeł, dzie jon nibyta ŭdaryŭ pa pieradpleččy i šturchnuŭ supracoŭnicu palicyi, śćviardžaje krynica ahienctva.
U Rasiju amierykaniec nibyta pryjechaŭ pa turystyčnaj vizie ŭ kancy lipienia.
«Ryka Kryhier byŭ upeŭnieny, što kali nie pryviaduć Krasikava, abmien sarviecca»
U Polščy patłumačyli, čamu rasijskaha špijona Rubcova nie abmianiali na Pačobuta