Маркоўны тарт з казіным сырам і раскрышанай фетай

Гэты пікантны тарт вельмі смачны, плюс у яго вельмі цікавая структура: нешта сярэдняе паміж маркоўным пірагом і маркоўнай піцай.

31.08.2024 / 07:27

Фота: simmeringstarfruit.com

Каб прыгатаваць маркоўны тарт, спатрэбіцца:

для слаёнага цеста:

• 2 шклянкі мукі
• ½ ч. л. солі
• ¾ ч. л. разрыхляльніку
• ¾ шклянкі халоднага масла, нарэзанага кубікамі
• ½ шклянкі ледзяной вады

морква:

• 220 г (2 шклянкі) морквы, нарэзанай саломкай або кружочкамі
• 1 ст. л. аліўкавага алею

сыр і прыправы:

• 2-4 ст. л. песта
• ½ шклянкі мяккага казінага сыру
• ¼ шклянкі здробненай феты
• ½ ч. л. часночнага парашку
• ½ ч. л. цыбульнага парашку
• соль і перац на смак

яйка для змазвання:

• 1 шт.

для ўпрыгажэння:

• ¼ шклянкі свежай пятрушкі, нарэзанай

кухоннае начынне:

• мерныя кубачкі,
• мерныя лыжкі,
• нож,
• чысцілка для агародніны,
• дошка,
• качалка,
• пергамент для выпечкі,
• дзве металічныя бляхі,
• маленькая міска,
• прыхваткі для духоўкі.

Як гатаваць:

1. Разагрэйце духоўку да 200˚C.
2. Памыйце і абярыце моркву, затым нарэжце яе саломкай ці кружочкамі (як вам больш падабаецца).
3. Выкладзіце нарэзаную моркву на бляху, засланую пергаментам для выпечкі. Апырскайце невялікай колькасцю алею і злёгку прыпраўце соллю і перцам.
4. Запякайце моркву ў цалкам разагрэтай да 200 ˚C духоўцы 30 хвілін.
5. Пакуль морква запякаецца, зрабіце слаёнае цеста. Змяшайце муку, соль і разрыхляльнік у місцы, затым дадайце халодныя кубікі масла, пакуль цеста не стане раўнамерна рассыпістым. Паступова дадавайце ледзяную ваду, вымешваючы, пакуль цеста не стане аднародным.
6. На злёгку пасыпанай мукой паверхні раскачайце цеста ў плоскі прастакутнік памерам прыкладна 36 x 26 см і таўшчынёй ⅓ см.
7. Перакладзіце цеста на металічную бляху, засланую пергаментам. Астудзіце ў халадзільніку на працягу 20 хвілін.
8. Як толькі морква запячэцца, дастаньце яе з духоўкі і адстаўце ўбок.
9. Дастаньце бляху з астуджаным тэстам з халадзільніка. Зрабіце ў цесце праколы відэльцам.
10. Выпякайце астуджанае цеста 10-15 хвілін у духоўцы, разагрэтай да 200 °C.
11. Дастаньце цеста з духоўкі і выкладзіце на яго слой песта і казінага сыру, пакінуўшы свабодную прастору па краях. Прыпраўце паловай цыбульнага і часночнага парашку.
12. Дадайце моркву, пакінуўшы месца па краях пустым. Раскладзіце моркву радамі або хаатычна — як вам больш падабаецца.
13. Прыпраўце моркву часночным і цыбульным парашком, а таксама іншымі спецыямі па жаданні, потым пасыпце зверху раскрышанай фетай, соллю і перцам па смаку.
14. Вышмаруйце свабодныя краі цеста ўзбітым яйкам.
15. Выпякайце тарт пры тэмпературы 200 ˚C на працягу 20-30 хвілін або пакуль ён злёгку не прапячэцца і не падпячэцца.
16. Дастаньце маркоўны тарт з духоўкі. Нарэжце і падавайце, пасыпаўшы зверху свежай сечанай пятрушкай.

Рэцэпт на выхадныя. Фаршыраваныя баклажаны — класічны італьянскі сялянскі рэцэпт

Рэцэпт на выхадныя. Кіш з сыру і цыбулі — простая французская страва

Пастухоў пірог — неўміручая класіка

Рэцэпт на выходныя: нечакана цікавы пірог з морквы

Сапраўдная беларуская кухня: морква з гарохам

Nashaniva.com