Paplečnica Navalnaha raskrytykavała ŭnučku Jelcyna za tatuiroŭku i spravakavała burnuju dyskusiju
Što za tatuiroŭka i ci maje racyju Maryja Pieŭčych?
15.08.2024 / 22:57
Zdymak z tatuiroŭkaj. Fota: yumashkaa / Instagram
Historyja pačałasia z taho, što ŭnučka pieršaha prezidenta Rasii Barysa Jelcyna Maryja Jumašava vykłała ŭ instahram svajo fota z novaj tatuiroŭkaj. Na im — abrysy vostrava Sien-Bartelmi ŭ Karybskim mory, jaki ličycca «vostravam miljanieraŭ».
Zdymak Jumašavaj nie zastaŭsia biez uvahi. Paplečnica Navalnaha, žurnalistka-rasśledvalnica Maryja Pieŭčych raźmiaściła hetaje fota ŭ siabie na staroncy ŭ tvitary z zaŭvahaj ab tym, što lepš by ŭnučka Jelcyna zrabiła tatu «prosta na łbie, kab usim było vidać, na što jaje mama i tata abmianiali budučyniu Rasii».
Zapis nabraŭ amal 860 tysiač prahladaŭ i amal 600 kamientaryjaŭ. U svajoj bolšaści ludzi nie zrazumieli krytyki i nahadali, što dzieci, a tym bolš unuki, nie adkazvajuć za ŭčynki baćkoŭ, a tatuiroŭki — asabistaja sprava kožnaha. Niekatoryja zadajucca pytańniem, jak krytyka dapamoža źmienie stanovišča ŭ Rasii.
Mnohija kamientatary, asabliva nie padbirajučy słoŭ, nakinulisia na samu Pieŭčych.
Taksama kamientatary nahadali Pieŭčych, što Maryja Jumašava adnoj ź pieršych vystupiła suprać vajny i ŭ siabie ŭ sacsietkach demanstratyŭna pościła ŭkrainski ściah.
Kamanda Navalnaha pachvaliłasia, što paspryjała aryštu namieśnika Šajhu. Uspychnuŭ skandał
Seks-vymahalnictva: instahram vydaliŭ dziasiatki tysiač ulikovych zapisaŭ
Transhiendarnaja dačka Iłana Maska adkazała na jaho hučnyja zajavy