Minzdaroŭja: U Biełarusi vypadkaŭ zachvorvańnia vospaj małpaŭ nie zarehistravana
Hałoŭnaje miedycynskaje viedamstva krainy prakamientavała situacyju vakoł vospy małpaŭ, pieršy vypadak zaražeńnia jakoj byŭ učora zafiksavany ŭ Jeŭropie, a Suśvietnaja arhanizacyja achovy zdaroŭja abviaściła epidemiju nadzvyčajnaj situacyjaj, jakaja pradstaŭlaje niebiaśpieku dla ŭsiaho śvietu.
16.08.2024 / 10:29
«U Respublicy Biełaruś vypadkaŭ zachvorvańnia nie zarehistravana, ale śpiecyjalisty hatovyja da isnujučaj vierahodnaści zavozu infiekcyi z terytoryj inšych dziaržaŭ. Lubaja infiekcyja ci virus moža być vyjaŭleny ŭ luboj krainie śvietu ŭ suviazi ź intensiŭnym pieramiaščeńniem ludziej, rostam suviaziaŭ ekanamičnaha, kulturnaha i turystyčnaha charaktaru», — paviedamlaje Minzdaroŭja.
Adznačajecca, što biełaruskija śpiecyjalisty raspracavali nabor reahientaŭ. Jon dazvalaje pravodzić dyjahnostyku zachvorvańnia mietadam PŁR u režymie realnaha času. U krainie jość i adpaviednyja ŭmovy (łabaratoryi BSL-3), jakija dazvalajuć ažyćciaŭlać usie vidy rabot z patahiennymi bijałahičnymi ahientami 4-j hrupy ryzyki.
U metach niedapuščeńnia zavozu i raspaŭsiudžvańnia infiekcyjnych zachvorvańniaŭ u ramkach sanitarnaj achovy terytoryi ŭ punktach propusku na dziaržaŭnaj miažy pravodzicca sanitarna-karancinny kantrol asob, jakija prybyvajuć z krain, dzie jość zachvorvańni.
Vospa małpaŭ — redkaje virusnaje zachvorvańnie, patencyjna niebiaśpiečnaje dla ludziej z asłablenym imunitetam. Infiekcyja supravadžajecca lichamankaj, intaksikacyjaj, pavieličeńniem limfavuzłoŭ i nastupnym raspaŭsiudžvańniem sypu — spačatku ŭ vyhladzie plam, jakija transfarmujucca ŭ burbałki, paśla łopańnia ŭtvarajucca jazvy, paśla ich hajeńnia — korački, a kali jany adpadajuć — rubcy. Pry lohkim ciačeńni chvaroba zvyčajna prachodzić sama pa sabie i doŭžycca ad 14 da 21 dnia.
Afryku imkliva achoplivaje małavyvučany i vielmi niebiaśpiečny virus. Što takoje vospa małpaŭ?
SAAZ pryznała mutavany štam vospy małpaŭ pahrozaj płanietarnaha maštabu. Što heta aznačaje?
Novy śmiarotny štam vospy małpaŭ vyjavili ŭžo i ŭ Jeŭropie