Rasijski sud prysudziŭ hramadzianku Ukrainy da dziesiaci hadoŭ kałonii. Jaje vykrali ŭ Chiersonie i abvinavacili ŭ špijanažy
Pryhavor Irynie Harabcovaj vynies Chiersonski abłasny sud, padkantrolny ŭładam Rasii, piša «Mieduza».
16.08.2024 / 11:25
Jak śćviardžaje rasijskaja Hienprakuratura, Harabcova ź lutaha 2022-ha pa sakavik 2023 hoda źbirała i pieradavała ŭ Hałoŭnaje ŭpraŭleńnie raźviedki Ukrainy źviestki ab miescach dysłakacyi i pieramiaščeńnia rasijskich padraździaleńniaŭ na terytoryi Chiersonskaj vobłaści.
Iryna Harabcova pracavała va ŭkrainskaj IT-kampanii i aktyŭna pisała ŭ sacsietkach ab akupacyi Chiersona rasiejskim vojskam. 13 maja 2022 hoda, u dzień jaje naradžeńnia, Harabcovu vykrali ludzi ŭ vajskovaj formie z domu ŭ Chiersonie, dzie jana žyła razam z baćkami.
Praz paŭhoda Harabcovu znajšli ŭ SIZA ŭ anieksavanym Simfieropali. Ab kryminalnaj spravie ŭ dačynieńni da hramadzianki Ukrainy stała viadoma tolki viasnoj 2024 hoda.
Hramadziancy ZŠA i Rasii dali 12 hadoŭ kałonii za danat u 52 dalary ŭkrainskamu fondu