Błohierka ź Vieniesueły pravieryła, ci sapraŭdy ŭ Biełarusi idealna čysta, i prajšłasia pa vulicach u biełych škarpetkach
Vieniesuełka Kajła Pinieda pierajechała ŭ Biełaruś vosiem hadoŭ tamu. Svaimi ŭražańniami ad krainy, jaje tradycyj i kuchni jana aktyŭna dzielicca ŭ svaim błohu. U čarhovym roliku jana zadałasia pytańniem, navošta biełarusy zdymajuć abutak, kali zachodziać u dom, raz na našych vulicach čysta. Pravieryć, ci sapraŭdy heta tak, jana vyrašyła špacyrom pa Breście ŭ biełych škarpetkach. Što atrymałasia?
16.08.2024 / 16:48
Kajła prydumała ekśpierymient dla biełaruskich vulic. Skrynšot videa ŭ tyktoku
Kajła adznačyła, što jaje ŭražvaje, što ŭ Biełarusi prybirajuć vulicy štodzień, u luboje nadvorje. Pry hetym pa viartańni dadomu ludzi zdymajuć abutak na ŭvachodzie, u Vieniesuele ž miascovyja hetaha nie robiać.
U kancy ekśpierymientu Kajła demanstruje ŭ kadry dosyć čystyja škarpetki i prapanoŭvaje hledačam samim adkazać na pytańnie, ci varta ŭsio ž zdymać abutak doma?
U kamientarach zaŭvažajuć, što biełarusy nie tolki abutak zdymajuć, a jašče i adzieńnie — nadziavajuć chatniaje pa viartańni. Adzin z karystalnikaŭ pažartavaŭ, što inakš «jość ryzyka adchapić lulaŭ ad maci, jakaja tolki što vymyła padłohu».
Inšyja pastavilisia sa skiepsisam da ekśpierymientu błohierki: «Aha, heta vy pa centry chadzili», «Vy ŭ Połacku jašče nie byli». Niechta vyrašyŭ, što błohierka źmianiła škarpetki na novyja, tamu što navat paśla našeńnia biełych rečaŭ u pamiaškańni jany chutčej zrobiacca brudnymi.
Raniej padobny ekśpierymient dziaŭčyna ŭžo pravodziła ŭ Minsku.
Na «Biełaruś-2» paśla hetaha navat zapuścili šou «Jak doma» ź vieniesuełkaj u jakaści adnoj z hałoŭnych viadučych. Jaje naparnikam dla vandrovak pa krainie tam staŭ Kaj z Kitaja.
«Čałaviek źbiaroh dla vas pavietra!» U tyktoku spračajucca, ci možna lažać u płackarcie ŭ abutku
Biełarus pachvaliŭsia ŭ tyktoku, što vydatkoŭvaje na ježu da 5 rubloŭ na dzień
Amierykanca nakarmili biełaruskimi «dalikatesami». Jaho paškadavali navat biełarusy