Biełarus pachvaliŭsia ŭ tyktoku, što vydatkoŭvaje na ježu da 5 rubloŭ na dzień
Błohier vyrašyŭ pravieści ekśpierymient: jon tracić na pradukty da 5 rubloŭ na dzień. Zatym hatuje ź ich roznyja stravy, piša Blizko.by.
Na videa jon raskazvaje, što vydatkavaŭ u kramie 18 rubloŭ. Hetych praduktaŭ jamu pavinna chapić na 4 dni.
Jon kupiŭ: jajki, prypravu, try sasiski, morkvu, kačan kapusty, cybulu, bulbu, śmiatanu, śpinki kurynyja i vielmi tannyja kostki śvinyja — 19 kapiejek za kiłahram. Akramia taho, makaronu i hrečku na vahu.
Zatym jon hatavaŭ z hetaha roznyja stravy.
Karystalniki ŭ kamientarach pačali spračacca, ci možna nazvać heta žyćciom.
«Tolki nie žyć, a vyžyvać. Treba rečy svaimi imionami nazyvać», — piša adzin kamientatar.
«U pryncypie, možna pražyć. Navat možna niedarahija pielmieni kupić», — piša inšy.
«Ja žyvu adzin raz i abmiažoŭvać siabie nie chaču. Na što voka lahło, toje i kuplaju, na canu nie hladžu».
«Tanna i siardzita, maje miesca być, kali biudžet mocna abmiežavany», — dadaje niechta.
«U dzievianostyja ja z adnaho kumpiaka varyła sup, a potym miasa abdzirała i rabiła blincy», — uspaminaje 90-ja žančyna.
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?1
Kamientary