U Minsku pradajuć ceły padziemny horad — za piać miljonaŭ dalaraŭ
Na tarhi vystavili pieršy ŭ Biełarusi padziemny handlovy centr.
16.08.2024 / 17:32
Fota: IPM-tarhi
Handlovy centr «Padziemny horad», jaki raźmiaščajecca ŭ pierachodzie mietro «Partyzanskaja», vystavili na aŭkcyjon na placoŭcy «IPM-tarhi».
«Padziemny horad» nazyvajuć pieršym handlovym centram pad ziamloj u Biełarusi — jon byŭ adkryty ŭ 2001 hodzie. Ahulnaja płošča HC składaje 2 564,4 kvadratnaha mietra. Arenda 800 kvadrataŭ zakančvajecca ŭ kancy hoda.
Handlovy centr vystaŭlali na aŭkcyjon u traŭni — tady jaho pačatkovaja cana składała 7 736 083,2 rubla (amal 2,5 młn dalaraŭ). Ciapier na paŭtornych tarhach cana vyrasła adrazu da 16 495 494 rubla (5,2 młn dalaraŭ).
Tarhi pačnucca 17 vieraśnia. Pieramožca taksama pavinien budzie apłacić 500 rubloŭ vydatkaŭ na aŭkcyjon i 1% ad vynikovaha koštu arhanizataram tarhoŭ.
Krakadził, jakoha niadaŭna pradali z aŭkcyjonu, zastaniecca žyć u Minskim zaaparku
Słonimskuju sinahohu naviedaŭ jaje novy haspadar z prajektnaj kamandaj
U centry Homiela pradali vialiki zavod — canu pryjšłosia źnizić na 80%
Znoŭ sprabujuć pradać dźvie zapraŭki «Trajpła» na trasie M-1