U centry Homiela pradali vialiki zavod — canu pryjšłosia źnizić na 80%
Novy ŭładalnik atrymaŭ va ŭłasnaść 29 tysiač kvadratnych mietraŭ płoščaŭ.
U centry Homiela pradali pamiaškańni byłoha zavoda vymiaralnych pryboraŭ.
Kompleks na vulicy Internacyjanalnaj vystavili na prodaž jašče 2021 hodzie, tady jaho košt aceńvaŭsia ŭ 10 miljonaŭ rubloŭ. Adnak paśla cełaha šerahu biezvynikovych aŭkcyjonaŭ canu było vyrašana źnizić na 80%.
Novy ŭładalnik kupiŭ były zavod za 2 młn rubloŭ, abo za 635 tys. dalaraŭ pa kursie. Jon atrymaŭ va ŭłasnaść 29 tys. kv. m administracyjnych i vytvorčych pamiaškańniaŭ, jakija ciapier nie vykarystoŭvajucca.
Paśla afarmleńnia nieabchodnych dakumientaŭ novy ŭłaśnik zmoža vykarystoŭvać nabytuju majomaść na svajo mierkavańnie pa šyrokim pieraliku pryznačeńniaŭ: handlovyja centry, restarany, kaviarni, cyrulni, infarmacyjnyja centry, centry volnaha času, trenažornyja i spartyŭnyja zały, hateli i mnohaje inšaje.
Kamientary