Futurystyčny elektralot, jaki stvaraŭsia dla cyvilnych patreb, ciapier budzie ŭdzielničać u vojnach
Pieršy paŭnavartasny ekzemplar aerataksi pad nazvaj Midnight, jaki pryznačaŭsia dla cyvilnaha rynku, raptoŭna źmianiŭ miesca i metu pryznačeńnia. Ciapier madel pieradadziena Vajenna-pavietranym siłam ZŠA i voś čamu.
19.08.2024 / 11:28
Hatovy ekzemplar elektryčnaha latalnaha aparata viertykalnaha ŭźlotu i pasadki (VTOL) pad nazvaj Midnight («Poŭnač»), jaki ŭ nastupnym hodzie pavinien vyjści na cyvilny rynak, ciapier budzie vajavać u składzie VPS ZŠA. Fota: Ministerstva abarony ZŠA / Archer
Pieršaja hatovaja madel elektryčnaha latalnaha aparata viertykalnaha ŭźlotu i pasadki (VTOL) pad nazvaj Midnight («Poŭnač») była pieradadziena ŭ skład Vajenna-pavietranych sił ZŠA.
Sama pieradača adbyłasia jašče miesiac tamu, kali Pientahon daŭ Midnight siertyfikat lotnaj prydatnaści dla vykarystańnia ŭ vajennych metach, paviedamiła kampanija Archer, jakaja i raspracavała Midnight.
Kadry pieradysłakacyi elektralota na adnu z avijabaz ZŠA kampanija apublikavała ŭ svaim tvitary (X) z dopisam «Zroblena ŭ Amierycy — ciapier z honaram słužyć Amierycy».
Elektralot Midnight u pavietry nad avijabazaj VPS ZŠA ŭ Kalifornii. Fota: Ministerstva abarony ZŠA / Archer
Elektralot Midnight na ziamli. Fota: Ministerstva abarony ZŠA / Archer
«Dziakujučy mahčymaści viertykalnaha ŭźlotu i pasadki, unikalnaj elektryčnaj siłavoj ustanoŭcy i nizkamu ŭzroŭniu šumu, Midnight źjaŭlajecca pierśpiektyŭnym rašeńniem dla vajskovych avijacyjnych zadač, takich, jak miedycynskaja evakuacyja, pieravozka hruzaŭ, a taksama vyviedvalnyja i naziralnyja paloty.
Aparat, jaki moža źmiaščać da 5 čałaviek, užo pakazaŭ mahčymaść ździajśniać pierachodny palot, razahnaŭšysia da 160 km/h, što raniej padavałasia vielmi składanym manieŭram dla takoha vialikaha elektralota», — padkreślivaje kampanija Archer.
Košt adnaho Midnight aceńvajecca ŭ 5 młn dalaraŭ (zvyš 16 młn rubloŭ). Vychad dadzienych elektralotaŭ na suśvietny cyvilny rynak zapłanavany na 2025 hod.
Jak brytanskija robaty-sabaki zamianiajuć ukrainskich voinaŭ na froncie
U Aŭstralii pradstavili samuju mocnuju ŭ śviecie partatyŭnuju łaziernuju zbroju suprać dronaŭ
U ZŠA źjaviŭsia pieršy bijamietryčny «razumny» pistalet. Ź jaho strelić nie kožny