Praź dziesiać hadoŭ latajučyja aŭto stanuć zvyčajnaj źjavaj. A pieršaje aeraelektrataksi źjavicca ŭžo ŭ 2025
Pa acenkach ekśpiertaŭ, rynak latajučych aŭtamabilaŭ za 10 hadoŭ uzraście bolš čym u 18 razoŭ. Daminavać na im budzie Jeŭropa. A voś u ZŠA ŭ nastupnym hodzie moža zjavicca pieršaje haradskoje aerataksi.
Pavodle niadaŭniaj spravazdačy, apublikavanaj Allied Market Research, suśvietny rynak latajučych aŭtamabilaŭ aceńvajecca ŭ 0,21 miljarda dołaraŭ u 2025 hodzie i, pavodle prahnozaŭ, dasiahnie 3,8 miljarda u 2035 hodzie. Siaredniehadavyja tempy rostu prahnazujucca na ŭzroŭni 34,1%.
Čakajecca, što Jeŭropa budzie zajmać daminujučaje stanovišča na suśvietnym rynku dziakujučy pašyreńniu dziejnaści pa raspracoŭcy praduktaŭ rehijanalnymi hulcami, takimi jak Klein Vision S.R.O. i AeroMobil. Rostu hetaha siehmientu spryjaje pavieličeńnie srodkaŭ, jakija ŭkładajuć u jaho raźvićcio ŭrady i fundatary.
Klein Vision Ltd
Uletku 2023 hoda słavackaja kampanija-raspracoŭščyk latajučaha aŭtamabila Klein Vision abviaściła ab atrymańni siertyfikatu lotnaj prydatnaści. Heta dało prava na sieryjny zapusk aeramabilaŭ. Prodažy pavinny nastupić užo ŭ hetym hodzie.
Kanstruktary abstalavali Klein Vision Ltd 1,6-litrovym ruchavikom BMW mahutnaść 140 k.s. Prybliznaja dalokaść palotu aerakara składaje 1000 km, a spažyvańnie paliva ŭ palocie — 18 litraŭ u hadzinu.
Dvuchmiesny aŭtamabil pieratvarajecca ŭ latalny aparat usiaho za 3 chviliny. Jon važyć 1100 kh i moža nieści dadatkovuju nahruzku ŭ 200 kh. U płanach dapracoŭka prajektu i stvareńnie elektryčnaha aerakara.
Aerataksi Midnight
Jak paviedamlajecca, amierykanskaja kampanija Archer zaviaršyła pieršy etap lotnych vyprabavańniaŭ svajho pavietranaha taksi Midnight. Była paćvierdžana zdolnaść płaniora ŭźlatać, zavisać, pavaročvacca i manieŭravać, jak šmatrotarny dron, nachilajučysia dla paskareńnia.
Kampanija Archer u hetym hodzie płanuje vyprabavać raspracoŭku ź piłotami na borcie i atrymać siertyfikat, jaki dazvalaje pieravozić pasažyraŭ za płatu.
Jak adznačajuć raspracoŭščyki, Midnight sprajektavany dla karotkich pieralotaŭ u miežach horadu i moža źmiaščać da piaci pasažyraŭ. Maksimalnaja chutkaść składaje 241 km/h, a zapas chodu — 161 km.
Archer płanuje, što pavietranaje taksi zamianić pajezdki na aŭtamabili praciahłaściu 60-90 chvilin palotam u 10-20 chvilin. Kampanija płanuje pačać kamiercyjnuju ekspłuatacyju svaich mašyn da 2025 hoda.
Latajučyja aŭtamabili i aerataksi mohuć stać rašeńniem va ŭmovach rostu va ŭsim śviecie aŭtamabilnaha trafiku na darohach. Adnak jość u raźvićci hetaha napramku i pieraškody. Naprykład, pakul niezrazumieła, jakim čynam buduć rehulavacca paloty takich mašyn, bo dla ich treba raspracoŭvać asobnyja praviły, stvarać pavietranyja kalidory, vyznačać vyšyniu palotaŭ.
Čytajcie jašče:
Jak vyhladajuć samyja vialikija ŭ śviecie mohiłki samalotaŭ VIDEA
Sakretny amierykanski bieśpiłotny kaśmičny karabiel moža pravieści na arbicie da troch hadoŭ
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary