Sieryjał «Džentlmieny» Haja Ryčy praciahnuli na druhi siezon
Prajekt padoŭžany na druhi siezon, u ramkach jakoha vyjduć vosiem epizodaŭ. Haj Ryčy vierniecca da vytvorčaści sieryjała ŭ jakaści režysiora i scenarysta razam sa svaim saaŭtaram Mećju Rydam.
17.08.2024 / 09:43
Kadr ź filma «Džentelmieny»
Sieryjał «Džentlmieny» Haja Ryčy, źniaty pa kinasuśviecie adnajmiennaha filma režysiora, padoŭžany na druhi siezon. Zdymki praciahu šou z Tea Džejmsam i Kajaj Skadełarya pačnucca ŭ nastupnym hodzie, piša Forbes.
«Džentlmieny» — sieryjalny śpin-of adnajmiennaj kryminalnaj kamiedyi Haja Ryčy 2019 hoda. Dziejańnie adbyvajecca ŭ toj ža kiniematahrafičnaj Suśvietu, što i ŭ stužcy z Mećju Makkonachi u hałoŭnaj roli, adnak piersanažy ŭ ich nie pierasiakajucca. U centry siužetu sieryjała pra śviet złačynnaha Łondana akazvajecca małady arystakrat pa imieni Edzi (Tea Džejms).
Nieŭzabavie jon znajomicca z kiraŭničkaj padpolnaj narkaimpieryi Śjuzen Hłas (Kaja Skadełarya) i razumieje, što i sam całkam hatovy stać častkaj złačynnaha biznesu.
Prajekt padoŭžany na druhi siezon, u ramkach jakoha vyjduć vosiem epizodaŭ. Ryčy vierniecca da vytvorčaści sieryjała ŭ jakaści režysiora i scenarysta razam sa svaim saaŭtaram Mećju Rydam. Pa danych Variety, pra papaŭnieńnie ŭ akciorskim składzie šou budzie abvieščana paźniej, a zdymki druhoha siezona «Džentlmienaŭ» pačnucca ŭ nastupnym hodzie.
Raniej paviedamlałasia, što Haj Ryčy taksama pracuje nad sieryjałam pra maładoha Šerłaka Chołmsa, hałoŭnuju rolu ŭ jakim syhraje Chira Fajns Cifin (plamieńnik znakamitaha akciora Rajfa Fajnsa).
Prajekt budzie zasnavany na sieryi ramanaŭ u žanry young adult piśmieńnika Endzi Łejna. Zhodna ź siužetam pieršaj knihi, jašče da taho jak stać znakamitym syščykam, Chołms sprabuje vyličyć złačyncu, jaki ździejśniŭ zabojstva na terytoryi Oksfardskaha univiersiteta.
28 topavych sieryjałaŭ ad «Našaj Nivy» — vybierycie svaje!
«Dedpuł i Rasamacha». Absalutna adbity film, jaki ŭsim spadabajecca
Hod fantastyčnych sieryjałaŭ: Dom Cmoka, Piarścionki ŭłady, Dziuna