Hałoŭny redaktar «SB»: Nam udałosia pieraviarnuć śviadomaść biełarusaŭ
Na čarhovym pasiedžańni «Kłuba redaktaraŭ» hałoŭny redaktar Vydavieckaha doma «Biełaruś siońnia» Dźmitryj Žuk raskazaŭ pra svajo bačańnie svabody słova i demakratyi. Jon upeŭnieny, što biełaruskaj prapahandzie ŭdałosia «pieraviarnuć śviadomaść biełarusaŭ».
18.08.2024 / 19:17
Pavodle prapahandysta, demakratyja, svaboda słova — heta tyja miechanizmy, z dapamohaj jakich Zachad razburaje dziaržaŭnaść inšych krain. Biełaruskim ža ŚMI, pavodle jaho, dastatkova toj svabody, jakaja ciapier u krainie.
«U nas vielmi narmalnaje i zbałansavanaje zakanadaŭstva ŭ śfiery miedyja. Heta praŭda. U nas dastatkova jak u kiraŭnikoŭ ŚMI pravoŭ i svabod, i my možam realizavać lubyja našy prajekty, jakija nie supiarečać Kanstytucyi. Dziaržorhany, pierš za ŭsio Ministerstva infarmacyi, atrymała efiektyŭny miechanizm vydalać ź miedyjnaj prastory destruktyŭnyja resursy. Heta nie tolki ŚMI, heta i tyja, chto narkotyki raspaŭsiudžvaje, parnahrafiju, teraryzm, prodaž zbroi», — raskazvaje jon pra biełaruskuju svabodu słova.
Žuk miarkuje, što zachodnija ŚMI pracujuć na haspadara, a biełaruskija — «na kansalidacyju».
Jość vielmi važny momant, jaki adroźnivaje nas ad krain Zachadu: my pracujem na kansalidacyju hramadstva, u adroźnieńnie ad resursaŭ, jakija pracujuć na haspadara», — kaža jon.
Taksama Žuk vykazaŭ dumku, što biełarusam bolš nie patrebnaja svaboda słova i demakratyja ŭ ahulnapryniatym sensie.
«Nam udałosia pieraviarnuć śviadomaść našych biełarusaŭ, staŭleńnie da paniaćciaŭ «demakratyja», «svaboda słova». Heta jakraz tyja miechanizmy, z dapamohaj jakich Zachad razburaje dziaržaŭnaść inšych krain», — skazaŭ Žuk.
Łukašenka apraŭdvaŭsia na rasijskim TB za advod vojskaŭ ad ukrainskaj miažy
Kiraŭnik Nexta Ściapan Puciła: Nam zdavałasia, siłaviki i čynoŭniki piarojduć na bok naroda
«Heta paśla advodu sił Baćki». U praryvie frontu pad Kurskam Z-kanały vinavaciać Łukašenku