Рускамірнага актывіста Арцёма Агафонава выпусцілі на волю
Учора прарасійская актывістка Эльвіра Мірсалімава паведаміла пра затрыманне свайго ідэйнага паплечніка Арцёма Агафонава. Як выглядае, цярпець за кратамі яму давялося нядоўга.
30.08.2024 / 17:52
Арцём Агафонаў
Сёння ўжо сам Агафонаў напісаў у тэлеграме, што ён «у парадку»:
«Жывы, здаровы і ў някепскім настроі, наколькі гэта ў маёй сітуацыі ўвогуле магчыма».
Падрабязнасці абяцае расказаць пазней.
Арцём Агафонаў вядомы як адзін з актыўных прыхільнікаў «рускага свету» ў Беларусі. У нулявыя ён быў актывістам АГП, аднак пасля анэксіі Крыма Расіяй і пачатку вайны на паўднёвым усходзе Украіны ён рэзка памяняў светапогляд і заняў бок Расіі.
На тое, што яго спрабуюць пераследаваць сілавікі па нечым даносе, сам Агафонаў скардзіўся ў чэрвені. Вінаватым у сваіх бедах Мірсалімава і Агафонаў лічаць віцебскага актывіста Дзмітрыя Карнеенку, які цяпер жыве ва Украіне.
Затрымалі прарасійскага актывіста Арцёма Агафонава