Пра затрыманне Арцёма Агафонава паведаміла ў тэлеграме ягоная ідэйная паплечніца Эльвіра Мірсалімава, якая апошнім часам таксама сутыкаецца з падобнымі праблемамі.
Мірсалімава мяркуе, што Агафонава, хутчэй за ўсё, адправяць на суткі ў ізалятар, а віну за гэта ўскладае на «таго ж самага змагара, заўкраінца-русафоба, па даносе якога асудзілі і мяне». Гэты чалавек нібыта раней жыў у Польшчы, а цяпер перабраўся ва Украіну.
На тое, што яго спрабуюць пераследаваць сілавікі па нечаму даносу, сам Агафонаў скардзіўся ў чэрвені.
Арцём Агафонаў вядомы як адзін з актыўных прыхільнікаў «рускага свету» ў Беларусі. У нулявыя ён быў актывістам АГП, аднак пасля анэксіі Крыма Расіяй і пачатку вайны на паўднёвым усходзе Украіны ён рэзка памяняў светапогляд і заняў бок Расіі.
Нядаўна Агафонаў уступіў у канфлікт з карэспандэнткай АНТ у Расіі Святланай Карульскай. Ён назваў супрацоўніцу тэлеканала «сістэмнай нацыяналісткай» і абвінаваціў яе ў «нянавісці да расійскіх жаўнераў». Карульская ў адказ звярнулася ў суд.
Працэс скончыўся мірным пагадненнем, але Агафонаў застаўся вінен амаль 4 тысячы рублёў адвакату Карульскай. Актывісту давялося прасіць дапамогі ў чытачоў.
Сталіністу Петрушэнку далі 10 сутак. На сёмыя суткі ў яго адкрылася прабадная язва
Пасля суда за экстрэмізм сталініст Петрушэнка канчаткова выдаліў усе свае інтэрнэт-запісы
Сталініст з Талачынскага раёна абурыўся практыкай, за якую ў Беларусі асудзілі тысячы чалавек
«Што ў нас адбываецца?» Прарасійская актывістка Мірсалімава зноў распавяла пра палітычныя затрыманні
Прарасійскі актывіст Агафонаў збірае грошы, каб расплаціцца з адвакатам карэспандэнткі АНТ
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць25
Каментары