Biełaruska Dzijana Maisiejenka, zatrymanaja ŭ Armienii za ŭdzieł u pratestach-2020, užo na voli
Ofis Śviatłany Cichanoŭskaj daŭ kamientar u spravie zatrymanaj siońnia na hruzinska-armianskaj miažy biełaruski Dzijany Maisiejenki. Ź jaho vynikaje, što dziaŭčynu ŭdałosia apieratyŭna vyzvalić.
02.09.2024 / 18:39
Dzijana Maisiejenka
«My praciahvajem pracavać z armianskim MZS pa spravie Dzijany Maisiejenki i inšych biełarusaŭ, jakich vyšukvaje režym Łukašenki pa palityčnych pryčynach.
Ofis Śviatłany Cichanoŭskaj atrymaŭ zapeŭnivańni, što Jerevan nie budzie vydavać režymu Łukašenki pieraśledavanych pa palityčnych pryčynach hramadzian Biełarusi», — śćviardžajecca ŭ zajavie Ofisa.
Taksama Jurydyčnaja kamanda Ofisa nakiravała dakumient da ŭładaŭ Armienii ab niepravamiernych dziejańniach režymu Łukašenki ŭ palityčnych spravach, takich jak sprava Dzijany, jakija zavodziacca suprać hramadzian Biełarusi z metaj palityčnaha pieraśledu.
Pry hetym padkreślivajecca, što dziakujučy sumiesnym namahańniam Dzijana Maisiejenka ŭžo vyjšła na volu.
Advakat Aleś Michalevič paśla napisaŭ u fejsbuku, što pa rašeńni Prakuratury Armienii dziaŭčynu vyrašana nie brać pad vartu, ale na čas razhladu ekstradycyjnaj spravy joj abmiežavali vyjezd z krainy.
U Armienii zatrymali biełarusku za ŭdzieł u pratestach-2020
Pašynian zajaviŭ pra zamarozku Armienijaj udziełu ŭ ADKB