Prajekt «Biełaruskija mahistraty» raspačaŭ kampaniju pa padtrymcy Biełaruskaj škoły ŭ Varšavie
Prajekt «Biełaruskija mahistraty», jaki dziejničaje ŭ miežach Resursnaha centra Biełaruskaj Rady kultury, raspačynaje kampaniju pa padtrymcy Biełaruskaj škoły ŭ Varšavie, piša Reform.news.
02.09.2024 / 22:12
Biełaruskaja škoła ŭ Varšavie paŭstała ŭ 2022 hodzie z metaj zachavańnia i raźvićcia nacyjanalnaj identyčnaści biełaruskich dziaciej u zamiežžy. Škoła maje filijały — afłajn-placoŭki ŭ čatyroch haradach Polščy, pracuje anłajn i ładzić sumiesnyja prajekty sa škołkami ŭ Litvie i Hruzii.
«Biełaruskaja škoła ŭ Varšavie — adzin z samych ambitnych i prafiesijnych biełaruskich prajektaŭ u śfiery školnaj adukacyi za miažoj. Ciapier Škoła staić pierad novym vyprabavańniem — zarehistravacca, pašyryć svaju dziejnaść i paŭnavartasna zapuścić płatnyja kursy pa roznych kirunkach, kab vyjści na samaakupalnaść.
Tamu navučalny hod 2024-2025 budzie vielmi važny. My možam dapamahčy inicyjatyvie pieraadoleć hety składany pieryjad, kab na vychadzie atrymać paŭnavartasny adukacyjny instytut, jaki samastojna budzie pašyracca i raźvivać biełaruskuju adukacyjnuju sietku pa śviecie», — kaža kiraŭnik «Biełaruskich mahistrataŭ» Cimoch Akudovič.
Pieryjad dziejnaści mahistratu: 9 miesiacaŭ (2 vieraśnia 2024 — 31 traŭnia 2025).
Jak stać udzielnikam, možna daviedacca tut.
Biełaruskaja škoła ŭ Varšavie zaprašaje na navučańnie biełaruskich dzietak z roznych krain śvietu
Praz zakanadaŭčuju pastku biełaruskija abituryjenty ŭ Polščy ryzykujuć zastacca bieź miescaŭ u VNU