U Rasii zek, jaki viarnuŭsia z vajny, zarezaŭ dziaŭčynu, jakaja nazvała jaho durniem
Pa viersii śledstva, jon dvojčy ŭdaryŭ dziaŭčynu ŭ hrudzi nažom na ŭčastku za zakinutym Pałacam kultury ŭ Pieciarburhu. Ad atrymanych ran dziaŭčyna pamierła na miescy.
03.09.2024 / 09:15
Padraździaleńnie «Štorm». Ilustracyjnaje fota
Zabojcu 22 hady, niadaŭna jon viarnuŭsia z vajny va Ukrainie. Artur Kuršaŭ słužyŭ u padraździaleńni «Štorm» — Minabarony Rasii nabiraje tudy źniavolenych, piša «Miedyjazona».
Na kadrach apieratyŭnaj zdymki adrazu paśla zatrymańnia Kuršaŭ kaža, što zabitaja — 34-hadovaja Alaksandra — abražała jaho, kali jon hulaŭ pa nabiarežnaj Niavy. Śledčyja raskazali, što achviara nazvała ŭdzielnika vajny durniem. Kuršava identyfikavali pa adbitku palca na šklancy.
Mužčynu raniej užo sudzili pa spravie ab zabojstvie. U śniežni 2022 hoda jon zasiek znajomych siakieraj.
Zabitaja ŭdzielničała ŭ konkursach pryhažości, a ŭ apošni čas zajmałasia juvielirnym biznesam u Pieciarburhu.
Były bajec PVK «Vahnier» atrymaŭ 23 hady za zabojstva — i praz 8 dzion znoŭ pajšoŭ na vajnu