Były bajec PVK «Vahnier» atrymaŭ 23 hady za zabojstva — i praz 8 dzion znoŭ pajšoŭ na vajnu
Rasijskija źniavolenyja praciahvajuć paźbiahać pakarańniaŭ za zabojstvy, a niekatoryja zrabić heta mohuć dvojčy.
Tak 29-hadovy eks-bajec PVK «Vahnier» Ivan Rasamachin, jaki paśla viartańnia z vajny ździejśniŭ novaje złačynstva, znoŭ paźbieh pakarańnia. Pa danych advakackaha prajekta «Traŭmapunkt», 11 žniŭnia jon prybyŭ u kałoniju VK-1, ale praz 8 dzion byŭ vyzvaleny, piša Baza.
Pieršy termin Ivan Rasamachin atrymaŭ u 2020 hodzie. Za zabojstva i rabavańnie sud prysudziŭ jaho da 14 hadoŭ kałonii. U kałonii jon padpisaŭ kantrakt z PVK i ŭ sakaviku 2023 hoda viarnuŭsia na volu. Usiaho praź niekalki tydniaŭ Rasamachin znoŭ ździejśniŭ złačynstva: zabiŭ 85-hadovuju žycharku Viackich Palan i naździekavaŭsia ź cieła.
Sprava atrymała šyroki hramadski rezanans. Mužčynu zatrymali, sud prysudziŭ jaho da 23 z pałovaj hadoŭ kałonii strohaha režymu. Ciapier mužčyna znoŭ adpraviŭsia na vajnu. Adnak jon usio jašče pavinien vypłacić svajakam zahinułaj 2 młn rubloŭ (25 tysiač dalaraŭ) u jakaści kampiensacyi.
Kamientary