У пасёлак пад Магілёвам прыйшоў янотападобны сабака
Раней менавіта ў гэтым дачным пасёлку шалёны бадзяжны сабака ўкусіў жанчыну, а 20 дзяцей кантактавалі са шчанюкамі.
06.09.2024 / 16:23
Скрыншот відэа
У дачны пасёлак «Хімік» Магілёўскага раёна прыйшоў вялікі янотападобны сабака.
Ён з вялікай верагоднасцю можа быць пераносчыкам шаленства. Адразу пасля выяўлення жывёліны на месца выклікалі спецыялістаў занальнага цэнтра гігіены і эпідэміялогіі, паведамляе «Беларусь 4».
Менавіта ў пасёлку «Хімік» раней быў зафіксаваны масавы кантакт людзей з заражанай шаленствам бадзяжнай сучкай і яе шчанюкамі. Сучку карміў увесь пасёлак, але аднойчы яна укусіла жанчыну. Аналізы засведчылі, што сабака заражаны шаленствам.
Звыш 20 дзяцей, якія кантактавалі са шчанюкамі і сабакам, цяпер праходзяць курс антырабічных прышчэпак і знаходзяцца пад наглядам лекараў.
За тыдзень у Беларусі больш за 70 чалавек маглі заразіцца шаленствам
Беларуска падабрала на вуліцы ваверчаня. Як выявілася, дарма