«Vyzvaleńnie»: u što Rasija pieratvaryła ŭkrainskija harady
Zirnicie, jak vyhladajuć ukrainskija harady paśla šturmu rasijskimi vojskami.
11.09.2024 / 18:28
Marjinka
Marjinka. Fota: Hienieralny štab USU / Facebook
Bai za nievialiki horad z nasielnictvam 10 tysiač čałaviek praciahvalisia da kanca 2023 hoda. Rasijski bok vykarystoŭvaŭ dla abstrełu ŭ tym liku i snarady ź biełym fosfaram. Za hod Marjinka była całkam razburanaja.
Vaŭčansk
Vaŭčansk. Fota: Asobnaja prezidenckaja bryhada imia Bahdana Chmialnickaha / Facebook
Hety horad prykładna za piać kiłamietraŭ ad miažy z Rasijaj, u jakim da 2022 hoda žyło kala 17 tysiač čałaviek, staŭ arenaj bajavych dziejańniaŭ viasnoj hetaha hoda. U im išli žorstkija vuličnyja bai. Ad udaraŭ artyleryi i dronaŭ u Vaŭčansku vyharali cełyja vulicy. Horad byŭ amal całkam razburany.
Bachmut
Bachmut. Fota: 24-j bryhady
Bai za Bachmut stali samymi praciahłymi ŭ hetaj vajnie. Kali ŭ mai 2023 hoda horad byŭ zachopleny rasijskimi vojskami, adpaviedna analizu spadarožnikavych zdymkaŭ u horadzie było razburana ci paškodžana 66% usich budynkaŭ. Da kanca bajoŭ u horadzie zastavałasia tolki 500 čałaviek z 70 tysiač davajennaha nasielnictva.
Maryupal
Razburany Maryupal. Fota: Jaŭhien Sasnoŭski
Pa acenkach AAN Maryupal byŭ samym śmiarotna niebiaśpiečnym miescam va Ukrainie. U chodzie žorstkich bajoŭ u centry horada było źniščana 93% šmatpaviarchovych damoŭ. 16 sakavika rasijskija vojski nanieśli avijacyjny ŭdar pa budynku dramteatra horada, u vyniku jakoha pa roznych acenkach mahło zahinuć da 600 čałaviek. 350 tysiač žycharoŭ z 460 tysiač nasielnictva stali biežancami.
Sievieradanieck
Fota: Sierhiej Hajdaj / Facebook
Bai za Sievieradanieck praciahvalisia dva miesiacy. U vyniku masiravanych bambardzirovak było źniščana ci paškodžana 90% budynkaŭ. Nasielnictva horada skaraciłasia sa 100 da 7 tysiač čałaviek.
Aŭdziejeŭka
Aŭdziejeŭka. Fota: Kostiantyn Liberov/Libkos/Getty Images
Bai za horad praciahvalisia amal dva hady. Zimoj—viasnoj 2023 hoda rasijskaja armija pačała sistematyčnyja avijabambardziroŭki Aŭdziejeŭki. U niekatoryja dni na horad skidvali da 60 avijacyjnych bombaŭ. U vyniku jon byŭ amal całkam źniščany. Pa acenkach na pačatak 2024 hoda nasielnictva horada składała kala tysiačy čałaviek. Pierad vajnoj u Aŭdziejeŭcy žyło kala 33 tysiač.
100 dzion vajny — dramatyčnyja i emacyjnyja kadry
Dakumientalny film «20 dzion u Maryupali» prynios pieršy «Oskar» u historyi Ukrainy
Ukrainskija fatohrafy pakazali FOTY razburanaha Vaŭčanska, jaki sprabuje zachapić rasijskaje vojska