«Žyćcio vajskoŭcaŭ — samaja vysokaja kaštoŭnaść. Aŭdziejeŭku my ŭsio roŭna vierniem», — zajaviŭ hałoŭkamandujučy Uzbrojenymi siłami Ukrainy Alaksandr Syrski.
Ukraina vyvieła vojski z Aŭdziejeŭki
«Zychodziačy z apieratyŭnaj abstanoŭki, jakaja skłałasia vakoł Aŭdziejeŭki, kab paźbiehnuć akružeńnia i zachavać žyćcia i zdaroŭje vajennasłužačych, pryniaŭ rašeńnie ab vyvadzie našych padraździaleńniaŭ z horada i pierachodzie da abarony na bolš vyhadnych miežach», — napisaŭ u fejsbuku Alaksandr Syrski.
«Našy voiny dastojna vykanali svoj voinski abaviazak, zrabili ŭsio mahčymaje dla źniščeńnia lepšych rasijskich voinskich čaściej, nanieśli vorahu značnyja straty ŭ žyvoj sile i technicy. Prymajem miery pa stabilizacyi abstanoŭki i ŭtrymańni zajmanych pazicyj. Žyćcio vajskoŭcaŭ — samaja vysokaja kaštoŭnaść. Aŭdziejeŭku my ŭsio roŭna vierniem. Słava Ukrainie!», — dadaŭ Alaksandr Syrski.
Aŭdziejeŭka znachodzicca prykładna za 10 km na paŭnočny zachad ad Daniecka, na pačatak 2022 hoda jaje nasielnictva składała 31,7 tys.čałaviek. Žorstkija bai za horad išli ź minułaha kastryčnika, ale ŭ apošnija tydni jany stali jašče bolš intensiŭnymi. Paviedamlałasia, što niby sam Pucin pastaviŭ zadaču ŭziać Aŭdziejeŭku. Horad nazyvali bramaj u Danieck.
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 1
«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki3
«Studentaŭ-płatnikaŭ u dziaržaŭnych VNU stanie bolš». Čamu ŭ Biełarusi zakryli adrazu dva pryvatnyja ŭniviersitety? 1
Kamientary