Zahinuŭ inśpiektar mahiloŭskaj abłasnoj DAI. Jamu było 27 hadoŭ
Mikita Isačkoŭ trapiŭ u avaryju.
13.09.2024 / 10:56
Mikita Isačkoŭ razam z žonkaj Volhaj. Fota lenadm-mogilev.gov.by
Abnaŭleńnie: U avaryi zahinuŭ 27-hadovy inśpiektar mahiloŭskaj DAI — jon lacieŭ na matacykle, ale pjany kiroŭca na busie nie prapuściŭ jaho
Stała viadoma pra trahičnuju śmierć 27-hadovaha kapitana Mikity Isačkova. Jon pracavaŭ inśpiektaram darožna-patrulnaj słužby śpiecyjalnaha ŭzvoda bataljona DPS mahiloŭskaj abłasnoj DAI.
Isačkoŭ naradziŭsia ŭ 1996 hodzie, jon uradženiec Drybina. U 2018 hodzie Isačkoŭ skončyŭ Mahiloŭski instytut MUS, pa raźmierkavańni viarnuŭsia ŭ Drybin i pracavaŭ u miascovaj DAI.
Mikita Isačkoŭ, fota z pašpartnaj bazy
U 2021 hodzie Mikita Isačkoŭ ažaniŭsia sa svajoj kolišniaj adnakurśnicaj Volhaj i pierabraŭsia da jaje ŭ Mahiloŭ. U abłasnym centry jon praciahnuŭ pracavać u DAI.