Papa Francišak raskrytykavaŭ abodvuch kandydataŭ u prezidenty ZŠA
Papa Rymski raskrytykavaŭ byłoha prezidenta ZŠA Donalda Trampa za jaho płan departacyi miljonaŭ imihrantaŭ i vice-prezidenta Kamału Charys za jaje padtrymku prava na abort.
14.09.2024 / 10:50
Fota: Andrew Medichini / AP
«Abodva suprać žyćcia, niachaj heta budzie toj, chto vyhaniaje mihrantaŭ, abo toj, chto zabivaje dziaciej», — skazaŭ jon na borcie samalota padčas viartańnia z turne pa Azii, piša «Novaja hazieta»
Francišak zajaviŭ, što mihracyja — heta prava, apisanaje ŭ Biblii, i što luby, chto nie varty zakliku vitać nieznajomca, ździajśniaje «ciažki hrech». Jon taksama rezka vykazaŭsia suprać abortaŭ. Pavodle jaho słoŭ, zrabić jaho «značyć zabić čałavieka, padabajecca vam hetaje słova ci nie».
Pry hetym Francišak ličyć, što vybarščyki pavinny vykanać svoj hramadzianski abaviazak i prahałasavać:
«Treba hałasavać i vybirać mienšaje zło. Chto mienšaje zło, hetaja dama ci hety džentlmien? Ja nie viedaju. Kožny pavinien vyrašać pa sumleńni», — skazaŭ jon.
Va Uschodnim Cimory na imšu Papy Rymskaha pryjšła pałova nasielnictva krainy
Ryžankoŭ sustreŭsia z Ante Jozičam, jaki zaviaršaje svaju misiju ŭ Biełarusi