Va Uschodnim Cimory na imšu Papy Rymskaha pryjšła pałova nasielnictva krainy
Nabaženstva z udziełam Franciška sabrała 600 tysiač čałaviek.
Papa Francišak pravioŭ imšu ŭ parku Tasitołu va Uschodnim Cimory. Na bahasłužeńnie pad piakučym soncam sabralisia 600 tysiač čałaviek — heta amal pałova nasielnictva krainy.
Heta pieršy vizit papy ŭ byłuju partuhalskuju kałoniju paśla zdabyćcia niezaležnaści ŭ 2002 hodzie. Miesca dla imšy było abrana nievypadkova: u hetym ža parku ŭ 1989 hodzie maliŭsia ź viernikami papa Jan Pavieł II — tady Uschodni Cimor, dzie 97% nasielnictva vyznajuć katalictva, byŭ akupavany Indaniezijaj, piša AP.
Jan Pavieł II tady rezka asudziŭ parušeńni pravoŭ čałavieka z boku indaniezijskich uładaŭ i padtrymaŭ cimorcaŭ. Na jaho imšu tady pryjšli 100 tysiač čałaviek.
U pieryjad akupacyi indaniezijskija vajskoŭcy ŭ Tasitołu pazbaŭlalisia ad ciełaŭ zabitych zmaharoŭ za svabodu. Usiaho za čverć stahodździa akupacyi ŭ krainie było zabita kala 200 tysiač čałaviek. Ciapier u Tasitołu raźmiaščajecca Park miru ź vialikaj statujaj Jana Paŭła II.
Papskija imšy ŭ niekatorych inšych rehijonach źbirali časam miljony viernikaŭ. Adnak słužbu va Uschodnim Cimory možna ličyć samaj naviedvalnaj z punktu hledžańnia doli nasielnictva krainy.
Uschodni Cimor zastajecca adnoj z samych biednych krain śvietu: pa dadnych prahramy raźvićcia AAN, kala 42% z 1,3 miljona jaje žycharoŭ žyvuć za rysaj biednaści.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary