Vyzvalenyja pa pamiłavańni Palina Pałavinka i Dźmitryj Łukša pierajechali ŭ Polšču
Byłyja palitźniavolenyja muž i žonka Palina Pałavinka i Dźmitryj Łukša, vyzvalenyja razam jašče pa pieršym pamiłavańni da 3 lipienia, pakinuli Biełaruś i vyjechali za miažu. U intervju Deutsche Welle Palina raskazała pra toje, jak adbyvałasia ich vyzvaleńnie.
16.09.2024 / 17:47
Palina Pałavinka i Dźmitryj Łukša paśla vyzvaleńnia
Pavodle słoŭ Paliny Pałavinki, vyzvalili ich u adzin dzień, da taho kožny ź ich padpisvaŭ prašeńnie ab pamiłavańni, ale adzin pra adnaho ničoha nie viedali. Jana była ŭpeŭnienaja, što vyzvalajecca adna i tolki ŭžo doma daviedałasia, što Dźmitryj taksama na voli.
Ciapier siamja pačynaje novaje žyćcio ŭ Polščy. Muž i žonka daviedvajucca, što prapuścili ŭ žyćci adzin adnaho za dva z pałovaj hady źniavoleńnia.
Dźmitryj Łukša doŭhi čas byŭ viadučym kryminalnych navinaŭ «Zona Ch». Paśla zvalnieńnia ŭ 2016 hodzie supracoŭničaŭ z telekanałam RTVI, a paśla byŭ karespandentam kazachstanskaha telekanała «Chabar 24» u Biełarusi. Palina pracavała ŭ IT-kampanii.
Były viadučy «Zony Ch» palitviazień Dźmitryj Łukša vyjšaŭ na svabodu pa pamiłavańni
Stali viadomyja imiony jašče troch palitviaźniaŭ, jakija vyjšli pa pamiłavańni
Pamiłavanyja jašče 37 palitviaźniaŭ