Były viadučy «Zony Ch» palitviazień Dźmitryj Łukša vyjšaŭ na svabodu pa pamiłavańni
Jon, jak i jaho žonka Palina Pałavinka, byli ŭ hrupie vyzvalenych 3 lipienia.
U śpisie 18 palitviaźniaŭ, vyzvalenych 3 lipienia pa ŭkazie Alaksandra Łukašenki, byŭ i 35-hadovy eks-rabotnik Biełteleradyjokampanii Dźmitryj Łukša. Pra heta «Našaj Nivie» raskazali jaho siabry.
Łukša doŭhi čas byŭ viadučym kryminalnych navinaŭ «Zona Ch». Paśla zvalnieńnia ŭ 2016 hodzie supracoŭničaŭ z telekanałam RTVI, a paśla byŭ karespandentam kazachstanskaha telekanała «Chabar 24» u Biełarusi.
Čytajcie taksama: «Usio było padrychtavana, ale nie paśpieŭ vyjechać ź Biełarusi». Raskazvajem pra eks-viadučaha BT Łukšu i jaho zatrymańnie KDB
Jaho aryštavali 11 sakavika 2022 hoda i prysudzili 4 hady źniavoleńnia za ŭdzieł u pratestach, a taksama za zdymku siužetaŭ dla kazachstanskaha kanała — źmiest rolikaŭ paličyli dyskredytacyjaj Biełarusi.
Łukša adbyvaŭ pakarańnie ŭ škłoŭskaj kałonii, da kanca terminu Dźmitryju zastavałasia 1 hod i 2 miesiacy.
Raniej pravaabaroncy paviedamlali, što 3 lipienia 2024 hoda vyjšła na svabodu jaho žonka Palina Pałavinka. Jaje aryštavali na niekalki miesiacaŭ paźniej za muža i prysudzili 2 hady i 6 miesiacaŭ źniavoleńnia. Palina vyzvaliłasia pa pamiłavańni na dva tydni raniej za svoj termin.
Nahadajem, 3 lipienia pa pamiłavańni vyjšli na svabodu minimum 18 palitviaźniaŭ. Siarod ich Ryhor Kastusioŭ, Darja Łosik, Palina Pałavinka.
16 žniŭnia Alaksandr Łukašenka padpisaŭ ukaz ab vyzvaleńni jašče 30 palitźniavolenych. Pravaabaroncam viadomyja imiony bolšaści ź ich — Ksienija Łuckina, Vasil Bieraśnieŭ i inšyja.
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary