U Armienii zajavili pra praduchileńnie dziaržaŭnaha pieravarotu. Ślady viaduć u Rasiju
Śledčy kamitet Armienii zavioŭ kryminalnuju spravu ŭ dačynieńni da siami čałaviek za sprobu ŭzurpacyi ŭłady. Troje zmoŭcaŭ, jak paviedamlajecca, byli zatrymanyja, a čaćviora abvieščanyja ŭ vyšuk.
18.09.2024 / 22:04
Kamandzir «Armianskaha bataljona» Ajk Hasparan z byłym uładalnikam PVK «Vahnier» Jaŭhienam Pryhožynym
Jak śćviardžaje armianski Śledčy kamitet, piać hramadzian Armienii, dva ŭradžency Nahornaha Karabacha i jašče niekalki nieŭstanoŭlenych asob vierbavali najmitaŭ u rasijski «Armianski bataljon» (ArBat).
Vajskovuju padrychtoŭku jany prachodzili ŭ Rastovie-na-Donie, dzie ich, akramia inšaha, nibyta praviarali na ideałahičnuju viernaść. Armianskaja Słužba nacyjanalnaj biaśpieki miarkuje, što pa pieršapačatkovym płanie zavierbavanyja pavinny byli viarnucca ŭ Armieniju i pačać dziaržaŭny pieravarot. Adnak niekatoryja ź ich admovilisia ŭdzielničać u hetaj apieracyi, a inšyja nie paśpieli «davieści zadumu da kanca».
Siarod zatrymanych nibyta zmoŭcaŭ — kamandzir karabachskaha dobraachvotnickaha bataljona «Čornyja pantery» i vieteran vajny za Nahorny Karabach Sierab Hasparan.
U svaim telehram-kanale «ArBat» nazyvaje svaim zasnavalnikam Armiena Sarkisiana. Pavodle danych ukrainskich ŚMI, Sarkisian — kryminalny aŭtarytet z Donieckaj vobłaści pa mianušcy «Horłaŭski». Jaho nazyvali arhanizataram «citušak», jakija vystupali suprać Majdana. Z 2014 hoda Sarkisian znachodzicca ŭ mižnarodnym vyšuku pa zapycie Ukrainy.
U 2023 hodzie «ArBat» uznačaliŭ były najmit PVK «Vahnier», uradženiec Nahornaha Karabacha Ajk Hasparan. Jon trapiŭ u «Vahnier» z kałonii strohaha režymu, dzie adbyvaŭ siem hadoŭ za ŭzbrojenaje rabaŭnictva.
Ciapier «ArBat» vajuje ŭ Kurskaj vobłaści Rasii.
Pašynian: ADKB stvaraje pahrozy dla biaśpieki Armienii
Armienija vypuściła ŭ ZŠA amierykanca, jakoha šukajuć u Rasii
Armienija pačynaje pieramovy ź ES ab libieralizacyi vizavaha režymu
Pašynian zajaviŭ pra zamarozku Armienijaj udziełu ŭ ADKB